fbpx
August 15, 2022

Inscripcion pa Playa Film Festival ta yegando su final

Share on facebook
Share on Facebook
Share on whatsapp
Share on Whatsapp
0
0
Inscripcion pa Playa Film Festival ta yegando su final
Inscripcion pa Playa Film Festival ta yegando su final


E aña aki lo ta e di dos aña di Playa Film Festival y fundacion CINEARUBA ta buscando pelicula largo y cortico pa presenta durante e festival di cine.

E inscripcion cu a habri dia 28 di januari ta yegando su final, di cual e ultimo dia pa entrega pelicula ta riba dialuna 15 di augustus. Ta ricibi pelicula unicamente via https://filmfreeway.com/playafilmfestival. Por bishita CINEARUBA su Facebook pagina pa mas informacion. Tur e peliculanan tanto cortico y largo lo ta competiendo pa e premio publico di miho pelicula.

Ta acepta pelicula no mas bieu cu dos aña. Duracion di e peliculanan cortico ta bou di cuarenta minuut y tur pelicula riba cuarenta minuut lo cay den e categoria di peliculanan largo. E formato di exhibicion lo ta MP4. Pa detaye con pa exporta imagen y sonido por wak un splicacion di esaki riba e pagina di Film Freeway.

E edicion di Playa Film Festival di e aña aki ta conta cu apoyo di Ateliers ’89, Setar y Prins Bernhard Cultuurfonds Caribisch Gebied. E festival di cine lo tuma luga un biaha mas na Ateliers ’89 for di 6 te cu 9 di october. Ta bay tin diferente tayernan tanto pa mucha, hoben y adulto. Ademas di tayer tambe ta bay tin diferente presentacionnan di pelicula tanto local y internacional.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.