fbpx
August 15, 2022

Respaldo: Depresion y trauma ta e condicionnan cu mas ta presenta

Share on facebook
Share on Facebook
Share on whatsapp
Share on Whatsapp
0
0
Respaldo: Depresion y trauma ta e condicionnan cu mas ta presenta
Respaldo: Depresion y trauma ta e condicionnan cu mas ta presenta


E proporcion di condicionnan mental na Aruba no ta diferencia masha for di esun cu ta wak rond mundo. Esey ta loke director di Fundacion Respaldo a duna di conoce na TREMPAN den un entrevista sostene e siman aki. Ta referi aki na depresion, trastorno di desaroyo, psicosis y adiccion. Despues di depresion, dr. Hendrikus van Gaalen a indica cu trauma ta esun di mas frecuente riba nos isla.

Na prome luga ta haya cu depresion y trastornonan di ansiedad ta esunnan mas comun y cu ta afecta, particularmente e segmento di adultonan den nos comunidad. Na Aruba, mescos cu hopi otro pais, e depresion of ansiedad por tin diferente factor di origen, pero tambe ta wak un aumento di caso debi na e situacion di crisis economico. Por ehempel, persona cu ta perde trabou of cu ta sin trabou pa largo tempo, ta mas propenso na bira depresivo.

Djey ta sigui e desordennan di desaroyo manera Atention Deficity Disorder (ADD), Attention Deficit Hyperactivity Disorder (ADHD) y Autismo, entre otro. Aki dr. Van Gaalen ta pone enfasis cu no ta trata solamente di e tratamento, cuido y guia di persona cu autismo na hoben, pero tambe tin pashentnan di autismo den edad mas avansa y halto. 

Posteriormente tin tambe psicosis, como por ehempel skizofrencia y desorden bipolar y por ultimo adiccion, cual segun, van Gaalen, tambe ta un problema grandi na Aruba y tambe por ta un producto di e situacion social/economico di e pais.

Pa un relato mas amplio, lesa TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.