fbpx
August 15, 2022

Roland Maduro: Sindicato di polis ta cla pa atende cualkier reto cu altocomisario nobo

Share on facebook
Share on Facebook
Share on whatsapp
Share on Whatsapp
0
0
Roland Maduro: Sindicato di polis ta cla pa atende cualkier reto cu altocomisario nobo
Roland Maduro: Sindicato di polis ta cla pa atende cualkier reto cu altocomisario nobo


E altocomisario nobo ta bay cuminsa eherce e luna aki. Sindicato di Polis Aruba (SPA) ta spera cu nan traha bon cu otro y pa por regla e cosnan cu mester regla. Polis tin hopi reto y ta cla por sinta na mesa cu altocomisario nobo.

Sindicato SPA ta dese’e exito, asina Roland Maduro, vice-presidente di SPA, a bisa. E sindicato tin hopi cos pa dialoga cu e altocomisario y pa yega na cierto decision cu ta na bienestar di e coleganan p’asina ey por bay dilanti. SPA tin un lista di punto pa Ramon Arnhem tene cuenta cu ne, principalmente esun mas afecta cu ta e aglemene dienst, nan ta vigila tur dia. 

Maduro ta kere cu esey ta e prome y primario cu e altocomisario mester tuma nota. Logicamente ta haya otro departamento, manera recherche, tambe tin su momentonan cu mester atencion. Seguramente e personanan cu ta prome riba caya of ta dilanti cu ta topa e accion prome, ta esunnan prome riba caya. E sindicalista a sigui bisa cu nan tin un lista di espera incluyendo vehiculo, vest, e edificionan cu pocopoco ta drechando nan.

El a elogia e mandatario cu ta haciendo su esfuerso pa drecha e cosnan, pero ainda no a termina cu esey. Ta trata dje cosnan cu a deha pa hopi aña y mester a drecha, pero ta haciendo esey awo pocopoco. Tur cos pa Cuerpo Policial mester mehora. Asina ey unabes nan mester bay riba caya, cliente of persona cu mester ayudo, por haya lo miho tambe.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.