fbpx
August 15, 2022

Rudy Lampe (RED): Un KB p’e gobierno aki ta na su luga

Share on facebook
Share on Facebook
Share on whatsapp
Share on Whatsapp
0
0
Rudy Lampe (RED): Un KB p’e gobierno aki ta na su luga
Rudy Lampe (RED): Un KB p’e gobierno aki ta na su luga


Durante conferencia di partido RED, ex- minister dr. Armando Rudy Lampe a duna di conoce cu nan si por a maneha e presupuesto di enseñansa. A haci esaki den un forma asina responsabel, sin pidi placa extra di parlamento pa presupuesto di enseñansa, caminda por a aumenta na 2022 e normbedrag.

Lampe a indica cu nan a inverti mas den e muchanan pero tambe cu plan pa inverti den entrada di e docentenan. Tin di meciona cu un docente ta limita na un blafon na momento cu e yega su trintiocho aña.

A conta di su experiencia un 20 aña pasa na universidad den otro pais, den un sistema yama renomeracion a base di prestacion, pa garantisa mas entrada pa docente na momento di sigui curso extra, prestacion extra caminda ta haya punto y asina ricibi entrada den un maneho financiero responsabel.

Esaki no ta tuma luga na e momento aki. No a tuma luga y pesey e memorie van toelichting di e rijkswet pa e financieel toezicht pa Aruba ta bisa cu finansa publico di pais Aruba no ta na ordo pa decada.

Ken tabata minister di finansa

Rudy Lampe a enfatisa y tuma nota di ken tur tabata den e funcion ey den pasado tanto partido MEP, partido AVP y por bisa cu nos finansa publico ta na werki. Ta locual cu memorie van toelichting ta bisa. Mester bin coreccion y partido RED ta di acuerdo pa bin cu un koninklijk besluit (KB) e luna aki pa e minister di finansa.

E coreccion no a bin di e votado mirando cu a keda alterna entre AVP y MEP, pesey ta di acuerdo cu mester bin di pafo di Aruba pa manda un señal, cu e finansa publico no ta na ordo.

Cu mal maneho no por garantisa salario

Ex-minister di enseñansa ta para riba cu na moemnto cu finansa publico no ta na ordo, tin cu coregi esaki y no por garantisa un bon salario pa e maestro/amtenaarnan y no por cumpli cu pueblo.

Mirando situacion di costa di bida cu ta subi mas y mas, no por duna un alivio na e pueblo. Gobierno no tin un buffer, el a malgasta placa di pueblo mientras pais ta den un situacion di bancarota.

Rudy Lampe y partido RED semper a boga pa aumenta entrada di pais Aruba, no den suta pueblo cu aumento di belasting pero mas bien crea un otro pilar economico, cu tabata industria di canabis. Pa asina produci mas placa pa caha di pueblo y asina por yuda e pueblo.

No a siña di e crisis di pandemia

Aparentemente gobierno no a siña su les. A pasa den un pandemia, turismo a cay, pais a shutdown y turismo tabata e unico pilar economico, pais a drenta den mas problema y en bes di siña di e crisis, crea un pilar economico nobo, no a haci esaki.

Ta kede depende di e mes un pilar, ta keda ripiti cu turismo ta bay bon, cu tin noticio positivo riba turismo sin pensa riba un pilar nobo. RED a demostra cu nan tin e solucion, un opcion pa un pilar economico nobo, cu nan si ta bay crea e industria di canabis.

Partido MEP su tracion

Mientras partido RED tabata pensa riba un pilar nobo, partido MEP a traciona nan. Siendo cu e tabata preto riba blanco cu ta bay legalisa canabis medicinal, partido MEP no a cumpli. A keda tene partido RED na liña sin nunca tabatin e intencion di cumpli. Locual cu ta tuma luga awo aki ta mescos, e situacion cu Hulanda, a firma un acuerdo mientras no ta cumpli y a habri caminda pa un KB den ta nos direccion. Tipico e postura di MEP, firma y no cumpli cu acuerdo y sigui gaña pueblo.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.