fbpx
August 15, 2022

Boneiro: Koninklijke Marechaussee a detene dos persona cu paspoort falsifica

Share on facebook
Share on Facebook
Share on whatsapp
Share on Whatsapp
0
0
Boneiro: Koninklijke Marechaussee a detene dos persona cu paspoort falsifica
Boneiro: Koninklijke Marechaussee a detene dos persona cu paspoort falsifica


Diarason 3 di augustus Koninklijke Marechaussee (KMar) a detene dos persona na Aeropuerto Internacional di Boneiru (BIA) riba sospecho di falsificacion di documento di biahe. Ta sospecha cu e dos sospechosonan intencionalmente a haci uzo di documento di biahe falsifica durante di control na frontera.

E dos sospechosonan, un homber Colombiano di 36 aña di edad y un dama Colombiano di 40 aña di edad, tabatin intencion di biaha pa Colombia. Na momento cu e stranheronan a ofrece nan paspoort na e empleadonan di Koninklijke Marechaussee pa control di salida, a resulta for di un investigacion cu a elimina un sticker oficial for di tur dos paspoort.

Investigacion mas aleu a resulta cu e dos sospechosonan a drenta e isla den november 2021. E tempo ey Koninklijke Marechaussee a impone un asina yama ‘toelating onder voorwaarde’ (TOV). Na Papiamento, un admision condicional. Segun e ley di admision y deportacion BES (Wet Toelating en Uitzetting BES, WTU-BES)  KMar por impone un TOV pa por supervisa miho cu stranhero no ta cumpli cu su deber pa cu supervision di stranhero. Un TOV por nifika cu e stranhero durante di su estadia dentro di Hulanda Caribense mester meld su mes na supervision di stranhero di KPCN, of por limita estadia di e stranhero te na un cantida di dia pa evita cu e ta resulta den ilegalidad. Ora impone un TOV, KMar ta pone un sticker den e paspoort di e persona concerni. Den caso di e dos personanan aki, a resulta cu a elimina e sticker di TOV concerni for di ambos paspoort.

Ahusta of elimina informacion cu oficialmente a agrega na un documento di biahe ta un delito cu posiblemente tin castigo di prizon mara na dje. Ofrece un documento falso of falsifica intencionalmente tambe ta castigabel. Koninklijke Marechaussee ta e momento aki ta investiga ambos caso. E dos sospechosonan ta keda den aresto preventivo den e Instituto Hudicial Hulanda Karibense (JICN)

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.