fbpx
August 15, 2022

Clarice Holman a train varios cacho na Merca

Share on facebook
Share on Facebook
Share on whatsapp
Share on Whatsapp
0
0
Clarice Holman a train varios cacho na Merca
Clarice Holman a train varios cacho na Merca


Un bes mas Clarice Holman, Master Groomer na Aruba, a sa di representa su isla dignamente den e mundo di Dog Show na Merca como groomer y handler. 

El a a haya invitacion pa bay prepara (groom) y saca cacho den ring (handler) na Dog Show na Bloomsburg, Pennsylvania.

Clarice a biaha di antemano pa custuma cu e cachonan, train cu nan y prepara nan pa drenta ring di show. 

E cachonan a luci y a gana varios premio durante e competencia teni durante diferente dia y categoria. E cachonan cu Clarice a prepara ta dos standard poodle y un toy poodle. 

Clarice ta conta: “Mi ta sumamente contento y satisfecho cu nos a logra varios prome, di dos  premio y tambe premio manera “Winners” cu ta e premio maximo despues di gana den 1 of mas subcategoria di e cacho. 

Como unico groomer di region di Caribe memey di e grandinan na Merca ta haci cu semper tur wowo ta riba bo y espectativa ta halto. No pressure right?! 

Mi ta asina orguyoso di e cachonan, nos a cera un bond cu otro y nan tabata confia mi pa nos shine hunto. Mi ta bay miss nan. Na final, ta nan momento.

Mi ta asina agradecido pa e oportunidadnan aki, unda cu mi por demostra cu Aruba tambe tin talento y cu nan ta balora y respeta mi trabao den exterior riba e nivel aki di grooming.” 

Nos kier felicita Clarice Holman como tambe e doñonan di e cachonan cu nan exito/premio y gradici Clarice pa semper haci un bon trabao y laga Aruba su nomber semper na halto. 

Nos por ta orguyoso di conta cu un profesional local di e caliber aki. 

Masha pabien Clarice Holman.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.