fbpx
August 15, 2022

Diego de Cuba: Cu of sin placa negociacion pa CAO na N.V. ELMAR ta sigui

Share on facebook
Share on Facebook
Share on whatsapp
Share on Whatsapp
0
0
Diego de Cuba: Cu of sin placa negociacion pa CAO na N.V. ELMAR ta sigui
Diego de Cuba: Cu of sin placa negociacion pa CAO na N.V. ELMAR ta sigui


Sindicato STA a reuni cu su delegadonan na N.V. ELMAR riba e negociacion di CAO, Collectieve Arbeidsovereenkomst. A pasa e delegadonan e informacionnan cu nan tin, pero e sindicato a indica cu no por acepta e echo cu ta bisa e trahado ta yega su maximo y te ora yega su pension, mester struggle cu loke e ta gana. P’esey nan ta sigui negocia pa CAO y no ta importa si tin of no placa.

Diego de Cuba, presidente di sindicato STA, a splica cu dia 12 di augustus proximo nan ta bay reuni cu gerencia di N.V. ELMAR riba e contract di Colectivo nobo. Su persona ta calcula cu e contracto aki tin di drenta na vigor na 2023 si no ta prome. A tuma e oportunidad di awe pa informa e delegadonan di parti gerencia ta encarece di duna informacion necesario p’e negociacionnan cu tin di bay tuma luga.

Sindicato STA a reuni cu trahado di Elmar riba negociacion di CAO

Sindicato STA a reuni cu trahado di Elmar riba negociacion di CAO

Posted by 24ora on Friday, August 5, 2022

Un di e punto importante di e negociacionnan ta riba e compania Berenschot, cu ta yudando N.V. ELMAR riba e parti di reorganisacion, un structura salarial completamente nobo p’e trahadonan. Nan ta bezig riba esaki pa basta tempo, segun e sindicalista. Conociendo e hendenan di Berenschot pa haci e trabou aki, p’e sindicato esaki no ta bon. E ta haya cu gerencia a trece padilanti locual e compania a bini cu ne, 70% dje empleadonan trahando den N.V. ELMAR ya nan lo ta den nan maximo caba.

Esey ta encera cu practicamente “bo ta morto”, segun e sindicalista. El a duna un ehempel cu un trahado tin 45 aña y e structura salarial di Berenschot ta bisa “bo tin 45 aña, pero e salario cu bo tin bo ta den bo maximo caba.” Tin e posibilidad cu el a pas’e caba, aunke nan no por baha e salario. Segun e sindicalista, e trahado por tin 45 aña y e mester struggle pa binti aña te dia e yega edad di pension cu e salario ey. Esey ta algo frustrante, e trahado no ta bay sinti ningun estimulo, e ta bin trabou pa presenta.

Sindicato STA no por acepta e esaki y a splica esey. Tambe a trece padilanti cu ora di bay negocia, nan ta puntra e compania cuanto placa e tin pa negocia. Nan ta haci esey pa asina por negocia riba esey. Si compania bisa nan no tin nada presupuesta, esaki ta algo straño nan ta haya. Ta drenta un negociacion di CAO y no tin nada presupuesta p’esaki, e sindicalista kier sa e ora kico ta negocia. Si e pega, e pega, si no pega, ya, pero ta cos cu ta pone trahado bay den accion. STA a trece esey padilanti n’e miembronan y splica riba e CAO p’e otro sindicato, di cual a saca afo cierto beneficio afo. Awo STA na su turno tin di bay bringa pa hinca nan bek aden.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.