fbpx
August 15, 2022

Frans Ponson (CUA): Cobra impuesto riba descuento ta forsa e comerciante pifia

Share on facebook
Share on Facebook
Share on whatsapp
Share on Whatsapp
0
0
Frans Ponson (CUA): Cobra impuesto riba descuento ta forsa e comerciante pifia
Frans Ponson (CUA): Cobra impuesto riba descuento ta forsa e comerciante pifia


Durante conferencia di prensa teni diabierna mainta pa e organisacion Comerciantenan Uni Aruba (CUA), a trece dilanti un punto di preocupacion pa e gremio y cu ta relaciona cu e cobramento di impuesto di importacion. T’asina cu actualmente Aduana ta calcula dicho suma riba loke nan ta considera como e balor real di e producto, ignorando si esaki tin un descuento of si ta e prijs fiha door di e marca pa su benta na publico y no loke e comerciante, en realidad, a paga p’e.

Frans Ponson di CUA a indica cu esaki ta no ta e unico aspecto di cobransa for di Aduana cu ta nan ta considera inhusto. Den tempo di pandemia a tuma nota cu, cu scarcedad di producto, e prijsnan tabata fluctua y prijsdi container a bay di 5 mil florin pa 20 florin. A manda carta gobierno y departamento di Aduana pa expresa e punto y solicita pa bin cu un medida temporal cu lo a yuda mengua e inflacion. Lamentablemente nunca a haya un contesta riba dicho carta.

Comerciante Uni Aruba ta preocupa cu aumento den “cost of doing business”

Comerciante Uni Aruba ta preocupa cu aumento den “cost of doing business”

Posted by 24ora on Friday, August 5, 2022

Mas recientemente, CUA a descubri otro aspecto den e cobramento di parti di Aduana cu, nan ta kere, mester di revision. Ta referi na e Duanewaarde. Esey ta un ley cu ta stipula e balor di un producto determina. “Nos ta kere cu e ta bon. Nan mester di dje si un comerciante no bin cu un recibo Aruba,” asina Ponson a expresa.

CUA ta para tras di e idea cu den un situacion asina, Aduna mester pone un balor na e mercancia ey. “E preocupacion cu nos tin y cu hopi omerciante ta wak ta cu, si bo cumpra algo riba Amazon, por ehempel, anto mester tin un descuento riba e recibo di Amazon, Aduana no ta kita e descuento ey y ta cobra bo e invoerrechten riba full e prijs argumentando cu esey ta e prijs.”

Pa ilustra su punto un poco, Ponson a plantea e siguiente scenario: “Si nan tin un television  na 400 dollar y Amazon a dicidi pa bende na 350 dollar, Aduana ta bisa cu toch ta 400 dollar. Pero awo si bo cumpre na Best Buy na 450 dollar, Aduana ta cobra e invoerrechten riba esey? No.” CUA  no ta compronde dicon ta kita un descuento di e prijs cu y cobra bo riba e prijs completo.

“Si Amazon tin 1000 television den stock y nan a bin cu un version nobo, Amazon sa cu si e no baha e prijs, e ta bay keda cu e 1000 television y perde placa. E sa como negociante cu e tin cu baha e prijs. Con nos por dicidi kico e prijs di e mercado ta?,” esey e comerciante ta puntra.

Pa e relato completo, lesa TREMPAN

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.