fbpx
August 15, 2022

Minister di Enseñansa: Ta buscando solucion p’e situacion dje 16 docentenan

Share on facebook
Share on Facebook
Share on whatsapp
Share on Whatsapp
0
0
Minister di Enseñansa: Ta buscando solucion p’e situacion dje 16 docentenan
Minister di Enseñansa: Ta buscando solucion p’e situacion dje 16 docentenan


Ex-minister di enseñansa y miembro di partido RED Democratico a indica cu diesseis docente ta sin trabou. Ta trata di docente cu a gradua den bachelor di Papiamento y tin dificultad pa haya trabou. Di otro banda lider di fraccion AVP a reuni cu algun di nan. E actual minister di enseñansa a reacciona riba e situacion aki.

Minister di Enseñansa, Endy Croes, a bisa di a tuma nota dje spin off politico cu tin tras di esaki. E ta compronde p’e diesseis docentenan aki, pero un total di 21 a sigui e enseñansa di Papiamento bachelor tweede graad. Tin un cantidad cu si a haya trabou, pero diesseis di nan ta pega pa busca un solucion. Nan tambe a bati na porta di tur dies directiva di scol. Segun e mandatario, tin nuebe fundacion y tin DPS, cu ta directiva di scol publico.

Loke e mandatario por a compronde di esakinan ta cu a haci esfuerso caba y no a haya un reaccion positivo. Nan tabata cerca e mandatario diaranson, pero tambe nan a sinta cu Mike Eman, pero probablemente cu Rudy Lampe tambe. E ta compronde como persona ora di caba di studia, di a inverti cuater aña, a hal e diploma y nan kier un trabou. Croes a splica nan cu el a manda puntra DPS unda por aloca nan y di ki forma por haci uzo di nan como cu nan merece di haya un trabou.

Di otro banda Croes a pidi Directie Onderwijs pa mira si riba contract basis nan por cuminsa pa aña cu cierto proyecto den locual nan a gradua. Ta buscando solucion pa nan situacion. Ta un estudio di cuater aña y awo nan a termina. Segun Croes, sea nan mester bay planifica miho of no, e ta un otro discusion.

E mandatario kiermen e no kier a hinca nan den atmosfeer politica, pero nan mes a bay Mike y a presenta cerca su persona. E no por bisa si nan a bay na Lampe, pero nan ta buscando un solucion. Ta tratando di busca un solucion pa nan. Tin comprension, pero na mes momento ta purbando na miho manera pa mira unda por aloca nan, di un of otro forma pa nan contribui den enseñansa.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.