fbpx
August 15, 2022

Wardacosta ta continua cu e lucha contra traficacion di droga

Share on facebook
Share on Facebook
Share on whatsapp
Share on Whatsapp
0
0
Wardacosta ta continua cu e lucha contra traficacion di droga
Wardacosta ta continua cu e lucha contra traficacion di droga


Siman pasa diamars y diaranson un boto di patruya Metal Shark di e punto di sosten di  Wardacosta na Aruba, den colaboracion cu e unidadnan di e avionnan di Wardacosta, a detene dos  boto, durante cual un total di casi 500 kg contrabanda a keda confisca. Dos Colombiano, un  Venezolano, y dos Arubiano a keda detene den e caso aki. E droga y e sospechosonan a keda  entrega na e Unidad contra Crimen Organisa di Cuerpo Policial di Aruba, cu ta sigui cu  investigacion di e casonan.  

Ayera Zr.Ms. Groningen, cual ta nabegando pa Wardacosta Caribe Hulandes, a bolbe interecepta un transporte di droga. Esaki a keda haci pa medio di coordinacion di e Centro di Operacion Maritimo (MOC) en cooperacion cu e helicopter y avion di Wardacosta. Durante e accion aki mas  cu 1000 kg di contrabanda a keda confisca y a detene cinco Venezolano. E contrabanda y e  sospechosonan a keda entrega na Cuerpo Polisial di Corsou, cu lo sigui cu demas investigacion.  

Cu e ultimo accion aki, e conteo di e casonan di Wardacosta a yega na seis den un lapso di tres  siman. E total cantidad di peso di e contrabanda cu a confisca durante e seis accionnan aki ta  yega na casi 4000 kilo. E lucha contra traficacion di droga ta sosode den bon cooperacion cu  Wardacosta su partnernan local den cadena hudicial, manera e diferente cuerponan policial di  Corsou y Aruba, BOT K-9 di KIA, Guarda nos Costa, Duana y Servicio di Imigracion. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.