fbpx
October 01, 2022

Anthony Mezas: Tur cos ta cla pa Aruba International Dance Congress 2022

Share on Facebook
Share on Whatsapp
0
0
Anthony Mezas: Tur cos ta cla pa Aruba International Dance Congress 2022
Anthony Mezas: Tur cos ta cla pa Aruba International Dance Congress 2022


Dia prome te cu 4 di september Aruba lo ta sede di Aruba First International Dance Congress. E congreso aki lo enfoca riba e parti di bailamento di e genero salsa y bachata.

Prome cu esey, Aruba ta bay drenta den gran cantidad di evento musical pa cuminsa warmup p’e festival. Anthony Mezas, organisado di Aruba’s Int’l Dance Congress, a splica cu esaki ta e prome evento cu ta organisa y e idea ta pa hacie anual. E prome parti ta e warmup party, cual ta e happy dance tour, cu ta cuminsa dia 27 di augustus cu Robert Jeand’or riba tarima. Tambe ta bay tin un DJ local y uno di Corsou, pero esun local ta Oslin Boekhoudt di Pachanga. Dia 28 di augustus nan lo ta na Cuba’s Cookin’.

Segun Mezas, tur e dianan aki ta completamente y henter Aruba ta invita pa ta presente. Dia 28 nan ta bay tin Ana Para cu su zarao y musico di Colombia, Cuba, Venezuela. Ta bay tin show. Dia 29 di augustus nan ta bay ta na Lobby, banda di Gusto, dia 30 nan ta na Perle d’Or y 31 nan ta Arawak Garden, cu ta keda net dilanti Casa Tua banda di hotel, y tambe na Mambo Jambo. Tur e dianan ey tin bailamento, competencia di baile, DJ internacional.

PASA AGRADABEL

E nivel cu un hende mester tin pa yega n’e eventonan ta un smile. Segun Mezas, esey ta mas importante, trece e smile y saus di baile. Esey ta hopi importante, pasobra na final di dia e cos di mas importante ta pa pasa agradabel. E nivel ta di basico te avansa, pero tur hende ta bonbini. El a sigui indica esunnan cu ta avansa no worry cu nan, pero basta cu cada persona pasa un momento agradabel. E ta haya cu esey ta e parti di mas importante, asina el a expresa.

CONGRESO

Pa loke ta e congreso mes, ta conta cu presencia di diferente instructor, entre otro di Merca, Mexico, Spaña, Inglatera, Polonia, Hulanda, Chile, Aruba y hopi mas. Ta trata di instructor cu tin hopi experencia y ta profesional. Algun di nan ta bay duna show, tambe ta bay tin dance crew, grupo cu ta bay duna un presentacion special.

Ta bay tin competencia di baile y na final esun cu gana aki na Aruba, tin e chens di bay den e semi-final di World Campionship na Spaña otro aña.

Mezas ta invita e talentonan cu tin na Aruba pa sign up. Riba https://arubadancecongress.com/ pa haya tur informacion, pero tambe pa inscribi p’e competencia di baile. E lo ta super great pa tin un yiu di tera bay te na Spaña pa representa Aruba den salsa.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.