fbpx
October 01, 2022

Cu salud mental den mente: Minister Tjon cla pa pone e prome piedra pa “Stichting Hunto”

Share on Facebook
Share on Whatsapp
0
0
Cu salud mental den mente: Minister Tjon cla pa pone e prome piedra pa “Stichting Hunto”
Cu salud mental den mente: Minister Tjon cla pa pone e prome piedra pa “Stichting Hunto”


Recientemente, Minister di Husticia y Asuntonan Social Rocco Tjon a bishita e sitio caminda ta construyendo e edificio nobo pa loke ta “Stichting Hunto”, un proyecto caminda ta bay uni e dos instancianan esta; FMAA y SPD, pa asina atende mucho mas miho cu varios reto den cuadro di salud mental y adiccion. Durante e bishita aki, a haya un bista di con e trabounan ta avansando y asina ta anuncia cu lo pone e prome piedra pa otro siman diaranson 17 di augustus, den presencia di colega minister, parlamentario y profesional den e veld. 

Den presupuesto 2022 a tene cuenta cu e proyecto aki caminda tur e fondonan ta bay wordo poni hunto, pa di e forma ey por haci mucho mas cu e recursonan limita cu tin. Door di uni e dos instancianan, e ta percura pa brinda henter comunidad un miho servicio, pero tambe e lo percura pa e procesonan ta mas miho alinea na otro pa trata cu e tematicanan di salud mental y adiccion. 

E tema aki tin e atencion desde inicio di Gabinete Wever-Croes, caminda hunto cu Prome Minister mr. Evelyn Wever-Croes a ehecuta e Sociaal Crisis Plan, pa atende cu loke ta e lista di espera di salud mental.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.