fbpx
October 01, 2022

Art Lamour na Gregory Milliard: “Si ami a dal bo, abo lo a cay”

Share on Facebook
Share on Whatsapp
0
0
Art Lamour na Gregory Milliard: “Si ami a dal bo, abo lo a cay”
Art Lamour na Gregory Milliard: “Si ami a dal bo, abo lo a cay”


Siman pasa diasabra, esta 6 di augustus, a tuma luga Caribbean Fighting Championship 8 (CFC 8), pero cos a bay fo’i di man unda cu detencion a cay. Art Lamour, kende tabata envolvi den un situacion desagradabel cu Gregory Milliard, hunto cu su yiu muhe ta esunnan cu a keda deteni.

Durante e anochi aki tin hende a hasta haya sla sin mester. Milliard a manda mokete riba Art Lamour, pero video di e situacion a bay viral. Art Lamour a presenta den Enfoke pa asina trece su banda di medaya di kico a pasa diasabra. El a indica cu Milliard ta un di e gañadonan mas grandi cu el a yega di mira. Tin rumor cu ta bayendo rond unda cu Lamour a bet cu Milliard, Lamour ta desmenti esaki. E kiermen cu nunca el a bet cu Milliard.

Conflicto a cuminsa ora c’un bringado di Stay Thai Fit di Stacy Hassell a bringa cu esun di Milliard. Den esaki Milliard a sali di su skina y bay n’e bringado pa bis’e kico e ta haci. Esaki a pone cu Lamour a acerca y bis’e cu esey ta algo cu no mag di haci, y p’e bay bek su spot. Milliard no a gusta esey y segun Lamour, el a bisa mas duro pasobra Milliard no ta tende.

Cuenta cu Lamour a tira drinks y palabra pa Milliard, e ta yam’e pa “gañado, falso, hipocrita.” Incluso e ta haya cu Milliard ta un payaso. “Hamas y nunca mi a tira drinks riba bo”, el a bisa. E kiermen e tabatin su derecho pasobra e ta di Stay by Fit y manera cu Milliard ta defende su bringado, Lamour tambe ta haci esey.

E evento ta di Milliard y ora esey ta asina, e ora e por haci kico cu e kier. E tin politico y ley cu ta back e up. Lamour a manda bisa Milliard cu “si ami a dal bo, abo lo a cay. Bo lo a cay riba bo s***a. Hamas y nunca mi a lanta man.”

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.