fbpx
October 02, 2022

Banco Central: Consumidor ta di pensamento cu nan situacion financiero lo deteriora

Share on Facebook
Share on Whatsapp
0
0
Banco Central: Consumidor ta di pensamento cu nan situacion financiero lo deteriora
Banco Central: Consumidor ta di pensamento cu nan situacion financiero lo deteriora


Consumidornan a bira mas pesimista, mirando cu e confiansa di consumidor a baha cu  0,5 punto di indice te na 93,0 durante e di segundo trimester di 2022.

Na final di e di segundo trimester, consumidornan tabata mas preocupa cu (i) e situacion economico lo deteriora (Q1-2022: 59 porciento) y (ii) e posicion financiero di gobierno lo empeora (Q1-2022: 52 porciento). Casi tur e respondentenan (97 porciento) a raporta cu nan ta premira cu prijsnan lo ta mas halto den e proximo 6 luna. Mita di respondentenan ta pensa ainda cu haya un trabou nobo ta mas dificil, esta 1 punto di porcentahe menos compara cu e trimester anterior (Q1-2022: 51 porciento). Ademas, 46 porciento di e respondentenan ta premira cu na cas nan situacion financiero lo deteriora, esta cu 5 punto di porcentahe mas compara cu e trimester anterior (Q1-2022: 31 porciento).

Tanto e indice di expectativa como e indice di e situacion actual a baha, esta cu 1,1 punto di indice te na 93,2 y cu 0,5 punto di indice te na 92,7, respectivamente, den e di segundo trimester di 2022. 

E cantidad di respondentenan cu a raporta cu compra di un auto no tabata conviniente a keda mescos na 69 porciento den e segundo trimester di 2022, mientras cu 67 porciento a indica cu haci un prestamo no tabata adecua (Q1-2022: 66 porciento). Tambe, 58 porciento di respondentenan a indica cu tuma un hipoteca no tabata adecua (Q1-2022: 62 porciento). Encuanto bay cu vakantie 50 porciento di respondentenan a raporta cu no tabata conviniente. Consecuentemente, e indice di habito di consumidor a baha marginalmente di 93,9 den e prome trimestre di 2022 te na 93,8 den e di segundo trimester di 2022.

Fuente: Banco Central di Aruba

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.