fbpx
December 06, 2022

Thomas Ruiz: Tin di adapta e ley anticua di trafico y drecha infrastructura

Share on Facebook
Share on Whatsapp
0
0
Thomas Ruiz: Tin di adapta e ley anticua di trafico
Thomas Ruiz: Tin di adapta e ley anticua di trafico


Vereniging Rijschool Aruba tin demasiado preocupacion riba e parti di reorganisacion, deficiencia riba ley, borchi cu ta mal poni, ley ta bieu, buki di duna les ta bieu, no tin examen bundel y hopi mas. Hopi hende no ta compronde kico esaki ta encera, pasobra p’e tin exito tin tres punto cu mester ta revisa.

Thomas Ruiz, secretario di Vereniging Rijschool Aruba (VRA), a splica cu e puntonan revista ta examen di rijbewijs, buki di ley cu tin hopi fout y infrastructura. Pa loke ta infrastructura VRA a tuma nota cu tin hopi caminda construi malo, hopi pintura y borchi mal poni. Tin di adresa esey. Ta ripara cu tin compania ta traha caminda, pega klinker, pega borchi, un otro compania ta pinta.

Pero pa falta di comunicacion of conocemento di ley, cos ta mal poni, mal pinta of construi. El a bay riba ley di zebrapad, cu ta bisa ora di zebrapad mester tin e liñanan blanco como borchi. Por mira riba e caminda banda di Cas Casuela, e compania a djis pega borchi pero no a warda te ora e pintura t’ey. Esey ta bruha e chauffeur. Pero esey ta problema p’e chauffeurnan nobo cu ta prepara.

Segun e secretario di VRA, nan ta bisa e chauffeurnan aki pa corda cu loke ta prepara nan ta basa riba ley vigente. Pero ora di bay aya afo, ta bay ripara cu cos no ta klop conforme ley. Incluso el a splica riba e salida dje rotonde na Pos Chikito ta obliga tur hende bay robes, pero den ley ta bisa tur hende ta core banda drechi y laga suficiente espacio pa ciclista. Tin hopi borchi ta poni robes, p’esey el a pidi un biaha su studiantenan pa manda potret di e borchinan cu nan ta mira fout poni. Su persona mes a keda sorprendi p’e cantidad di borchi robes.

Tin hopi punto cu Ruiz ta haya cu mester drecha. E ta haya cu esunnan cu por duna les mester ta inscribi na Camara di Comercio y ta paga belasting so por duna les. Segun Ruiz, nan ta bezig caba Ensenjansa pa Empleo pa cuminsa un opleiding pa certifica tur rij instructor, esey como garantia esun cu ta duna les sa di kico e ta trata. Manera cu e ta awo, cualkier persona ta bisa cu e por duna les, pero e no tin e conocemento necesario pa prepara e persona.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.