fbpx
October 02, 2022

Cantidad di bulto di droga den man di polis

Share on Facebook
Share on Whatsapp
0
0
Cantidad di bulto di droga den man di polis
Cantidad di bulto di droga den man di polis


Diasabra atardi alrededor di 4:30 pm diferente persona a bati alarma pa un situacion sospechoso na Grape Field, na San Nicolas. Specificamente cerca di e bocanan patras di KIA y bisindario. A topa varios bulto grandi di droga cu a spula bin tera y tabata drif ainda den lama.

Mesora a mobilisa diferente unidad di polis pa bay duna un man pariba di brug. Polis di San Nicolas, Santa Cruz, Playa, Motor Unit, K9-Unit y hasta personal di KIA a yuda pa busca bulto di droga.

Na prome instante a topa cu cinco bulto cerca di Boca Grandi, djey a topa cu mas cerca di e hutnan. Na dado momento a pidi presencia di mas unidad di polis mirando cu; mas e polisnan cana, mas bulto di droga nan tabata topa cu ne.

A topa bulto di droga cant’i beach. https://24ora.news/3QFoQTB

Posted by 24ora on Saturday, August 13, 2022

Hunto cu Wardacosta y e helicopter di polis, a sigui cu e buskeda pa cual na final a topa mas di diesocho bulto. Ta trata di un noticia den desaroyo, pues no ta descarta cu ta topa cu mas bulto.

A notifica recherche y e team di droga di polis di e caso, pa cual nan tambe a presenta hunto cu un comisario di polis. Den bon cooperacion cu otro, a logra saca mayoria bulto for di lama. No ta descarta cu algun lo a keda pega bou di e barancanan, pero debi cu solo a baha, a haci e buskeda mas dificil.

Mester menciona cu e ultimo simannan, Wardacosta ta dal baho mundo duro, garando hopi traficacion ilegal di hende y droga. Tanto na Aruba, Corsou y Boneiro a gara boto cu droga y hende abordo, pa cual a detene tur. Na tur ta papia di mas cu 9.000 kilo di droga.

Ta pensa cu, probablemente e ultimo persecucion y hayasgo grandi di droga na Boneiro, por a conduci cu a benta bulto afo. Nan a purba huy for di autoridad y ta sospecha cu a benta bulto na awa. Chens ta grandi cu e mesun bultonan aki a sigui drif y yega te Aruba.

Ta pendiente aki rato pa un declaracion oficial di Cuerpo Policial di e caso aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.