fbpx
October 02, 2022

Minister Ursell Arends: Pueblo lo paga placa chikito pa deshaci di taira

Share on Facebook
Share on Whatsapp
0
-1
Minister Ursell Arends: Pueblo lo paga placa chikito pa deshaci di taira
Minister Ursell Arends: Pueblo lo paga placa chikito pa deshaci di taira


Den conferencia di prensa diahuebs mainta, Minister di Medio Ambiente, Ursell Arends a splica mas ampliamente tocante e maneho nobo cu a yega dje pa cu bentamento di taira na dump di Parkietenbos. E ta kere cu e 3 florin cu lo aplica riba cada taira cu benta afo, lo tin efecto minimo riba cartera di e ciudadano, pero lo tin un impacto grandi den e maneho di desperdicio cu lo conduci na e clausura di Parkietenbos manera el a anuncia pa fin di 2022.

Mientras cu na Aruba ta existi caba pago (refund) monetario pa desperdicio den e caso di boter, hero y koper, e plataforma lansa door di Arends su ministerio bou di e nomber di Trash 2 Cash no ta un di nan. E mandatario a splica cu e ta mas bien pa compania/persona local cuminsa un startup of si ta estableci caba, y ta mira un balor economico den desperdicio, crea un oportunidad pa atende cu ne.

Asina mes, ta mas bisto pa tur hende kico ta e maneho di gobierno y Minister Arens ta sinti cu tin e sosten p’e tambe. “Nos tin e draagvlak di e companianan c uta atende cu desperdicio, mescos cu e companianan cu mester colecta e desperdicio,” Arens a duna di conoce. Su meta principal ta pa Serlimar canalisa e desperdicio pa cera Parkietenbos na fin di e aña aki como parti di un plan mas grandi di maneho mas responsabel di desperdicio cu nos tur por ta orguyoso di dje.

Pa e relato completo, lesa TREMPAN 

Share on Facebook
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.