fbpx
October 02, 2022

Vereniging Rijschool Aruba: Rotonde ta alivio pa trafico pero chauffeur tin cu core drechi

Share on Facebook
Share on Whatsapp
0
0
Vereniging Rijschool Aruba: Rotonde ta alivio pa trafico pero chauffeur tin cu core drechi
Vereniging Rijschool Aruba: Rotonde ta alivio pa trafico pero chauffeur tin cu core drechi


Den ultimo tempo por a mira cu a bin mas rotonde. Awo banda di e crusada di Elmar ta construyendo un rotonde nobo, pero den Driemasterstraat ta kitando e luznan di trafico cu no ta den servicio. Vereniging Rijschool Aruba ta haya cu rotonde ta bon.

Thomas Ruiz, secretario di Vereniging Rijschool Aruba (VRA), a indica cu rotonde ta algo bon y positivo, pero e problema ta e chauffeur. Durante preparacion pa examen ta purba recorda e chauffeur cu e ta parti di trafico y no doño. Hopi hende ta acerca su persona pa bis’e algo di rotonde. Pero e ora Ruiz di su banda ta bay riba e regla di rotonde.

El a splica cu na 100 meter di rotonde tin e borchi J-8, cual ta un driehoek cora cu tres pijl rondo den dje y esey ta alerta e chauffeur di slow down pasobra ta yegando rotonde. Tambe ta haya actualmente borchi cu ta bisa bo manera e J-15 driehoek cu ta alerta riba e posibilidad cu peaton ta crusando. Ta haya borchi di velocidad, manera San Nicolas ta 30 prome cu yega rotonde, mientras Playa ta 40. Pero no ta obliga e chauffeur di core e velocidad maximo, pasobra tin di tene na cuenta diferente factor. Hopi hende ta kere cu mester core un maximo velocidad, cual ta permitibel. Tambe ta haya un borchi cu mester tene na cuenta cu ne pa motibo di ta yegando un zebrapad incluso tin fietspad.

Awendia hende ta core un manera cu si e ta laat, ta trapa nan ta trapa. Segun Ruiz, asina no, si hende ta laat nan ta laat y no pone otro den peliger. Velocidad ta hunga un rol grandi den rotonde. VRA a ripara cu chauffeur no ta respeta zebrapad of no ta respeta e borchi poni dilanti rotonde. Ta trata di borchi B-4 cu ta bisa duna preferencia na tur coredo cu ta crusa caminda, kiermen mester para pa mira drechi y robes.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.