fbpx
October 02, 2022

Asociacion Trabou di Hubentud na Aruba cu di ocho edicion di ‘Proyecto Educacional Poder di Hubentud’

Share on Facebook
Share on Whatsapp
0
0
Asociacion Trabou di Hubentud na Aruba cu di ocho edicion di ‘Proyecto Educacional Poder di Hubentud’
Asociacion Trabou di Hubentud na Aruba cu di ocho edicion di ‘Proyecto Educacional Poder di Hubentud’


Diabierna, riba Dia Internacional di Hubentud, Asociacion Trabao di Hubentud na Aruba (ATHA) a anuncia ‘Proyecto Educacional Poder Di Hubentud (PdH)’, den su di ocho edicion.

Vanessa Croes, lider di e proyecto a splica cu e edicion aki lo hiba como lema “Un Capitulo Nobo” . Un proyecto cu ta priminti, un aña mas di bira un exito, unda ta brinda e hobennan e oportunidad di desaroya habilidad y asina adkiri experiencia ariba liderazgo, formacion como hoben y hoben adulto cu lo traha na bienestar di nos comunidad, unda cu lo sondea e necesidad den nos pueblo y nos bario, pa asina e honor, amor, tempo y dedicacion pa ehecuta proyecto innovativo, cu ta sali di hoben pa hoben.

For di dia 12 di augustus 2022 te cu dia 26 di augustus 2022, por yena aplicacion pa brinda e hobennan cu ta destaca den comunidad, cu ta di entre 15 pa 21 aña, e oportunidad pa forma parti di e trayecto di formacion y desaroyo personal y profesional cu PdH ta ofrece. Tin diferente forma con pa aplica pa e priyecto. Ta un manera na unda diferente organisacion, persona of instancianan, unda cu tin hoben activo den comunidad haciendo trabou boluntario, of ta haci un of otro trabou den area educativo, arte, cultura, unda e hobennan ta activo.

Aki ta sondea, ta traha hunto cu e adultonan of un hoben (adulto) cu tin experiencia cu e hoben aki, hunto cu e instancia, observa e trabounan aki, acumula data y informacion, pa asina subi nan pagina Facebook, pa nomina e hoben aki, cu ta destaca den e area.

Jayleen Croes (ganado edicion 2021 categoria Hoben Adulto) kier a curasha tur hende, cu conoce un persona cu ta cumpli cu e criteria aki, pa please nominanan. E ta un experiencia hopi bunita y ta yudabo crece como persona. E mes tabata un nominado y esey semper lo keda un experiencia bunita y loke el a siña den e proyecto te ainda e ta aplicanan den su bida diario.

Por ultimo, Jorzinho Schlipken Croes ( ganado edicion 2021  categoria Hoben)a pasa riba  criterianan di e nominacion pa un hoben cu a sobresali, den un of mas area cu ta contribui na desaroyo di pais Aruba.  Ta contribui, motiva, aporta pa un of mas persona pa haci un trabou boluntario, un hoben cu ta haci impacto of ta trece un impacto positivo den comunidad. Un hoben cu tin disciplina y respet pa otro. Un hoben ehemplar capaz di adapta na tur regla di proyecto.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.