fbpx
October 01, 2022

Cu esaki ta bira di cuater: Accidente na stacion di gasolin Essoville San Nicolas

Share on Facebook
Share on Whatsapp
0
0
Cu esaki ta bira di tres: Accidente na stacion di gasolin Essoville San Nicolas
Cu esaki ta bira di tres: Accidente na stacion di gasolin Essoville San Nicolas


Cualkier hende lo pensa cu ta un joke pero ta asina mes. Cu esaki ta bira e di cuater accidente na un stacion di gasolin. Un persona deteni y basta daño registra na stacion di gasolin Essoville na San Nicolas.

Den careda di 9:30 pm ta pidi presencia di polis pa un accidente na otro stacion di gasolin. Un Nissan Skyline shinishi ( A-74508) maneha pa un persona masculino a dal den un tubo, subi un cashi di coriente y hera e pomp di gasolin.

Informacion na sitio ta cu e persona aki lo a pasa dal den dos palo di luz, den un bus di Arubus, prome cu el a accidenta na e stacion di gasolin. Ademas di esaki, na momento cu el a dal den e tubo cu ta protege e cashi di coriente, e tubo aki lo a sali bula y bay causa daño na un otro vehiculo.

Mesora polis di San Nicolas a presenta y cuminsa tuma dato di e daño, mientras colega tabata na caminda cu e alco-sensor pa asina confirma of descarta cu e chauffeur ta bou influencia.

No a tarda mucho cu nan a duna di conoce cu e ta deteni. E transporte di polis a presenta y asina hib’e warda. Daño ta considerabel pero locual ta remarcabel ta e susto cu un biaha mas e personal na un stacion di gasolin ta pasa aden den menos di 24 ora. No ta mucho ora pasa cu a raporta un hit and run na e stacion na Savaneta cu ta sosode esun aki na Essoville.

No sa si tin un mala suerte a toca turno na e stacionnan di gasolin pero lo tin cu pone bon atencion den e dianan aki pa asina no mira e fenomeno aki bira usual.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.