fbpx
December 08, 2022

A tene anochi informativo di riñon pariba di brug

Share on Facebook
Share on Whatsapp
0
0
Rachel Kraaijvanger: A tene anochi informativo di riñon pariba di brug
Rachel Kraaijvanger: A tene anochi informativo di riñon pariba di brug


E personal di Clinica di Dialyse a duna un anochi di informacion den John Wesley Auditorium. Aki esunnan cu a presenta por a haya diferente informacion di dialisis y con pa evita esey.

Rachel Kraaijvanger, manager di Clinica di Dialyse, a splica cu siman pasa Methodist Church a tuma contacto cu clinica di dialyse puntrando p’e programa cu nan ta bay rond cu ne di Anochi di informacion tocante riñon pa bay pariba cerca nan. E programa tabata cla caba y a mira kendenan por a bay p’asina por a tene e anochi informativo na John Wesley Auditorium. A conta cu presencia dje nurse, trahado social, dietista, Kock Optica y dokter.

Pa esunnan di Clinica di Dialyse tabata un honor cu e misa a acerca nan. Nan tabata contento di por sali y drenta pueblo pa duna informacion, pa conscientisa pueblo mas. No solamente pa biba salud, pero tambe kico tur mester paga tino cu ne p’asina ey cuida e dos riñonnan. Nan tin pashent cu a bay Hulanda pa transplante di riñon y e ta algo precioso. E ta algo precioso cu por pasa, pero no ta tur hende tin e suerte ey pa haya un transplante. El a splica cu por biba c’un riñon, pero e ta conseha pa cuida nan mas cu por.

E solicitud special cu nan a haci tabatin di haber cu un lectura, asina John Fraser, tesorero di MCCA Men Aruba Circuit, a indica. Pero prome cu e lectura, nan a pasa n’e parti di presion, colesterol, check peso. Tur e cuater cosnan aki nan por a haci test prome. El a sigui indica cu tabatin diferente grupo di hende cu a haci esey pa nan y despues a sigui cu e parti informativo.

El a haya esaki uno hopi bon. Pa loke tabata e interes esaki tabata uno hopi bon. E ta haya cu e interes tabata t’ey y hopi di nan mester check e salud, specialmente despues di post covid unda mester tene cuenta cu tur cos. Esey ta e motibo cu a dicidi di haci e anochi di informacion.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.