fbpx
October 02, 2022

Tendencia nobo: Ranca pomp di gasolin y baha na awa

Share on Facebook
Share on Whatsapp
0
0
Tendencia nobo: Ranca pomp di gasolin y baha na awa
Tendencia nobo: Ranca pomp di gasolin y baha na awa


Diasabra mainta, Brandweer hunto cu DOW y Polis a activa pa un situacion peligroso. Marduga, pa mas o menos 3:00 am, un auto desconoci a ranca un pump di combustibel na CITGO Savaneta. Consecuentemente diesel a plama ful riba caminda.

Testigo a informa polis cu a señala un UTV y otro a menciona un auto chikito blanco, cu ta esun cu a dal den e pomp di diesel y despues sigui core direccion pabou. Polis a busca riba e caminda di San Nicolas pa Playa pa mira si ta topa cu cualkier vehiculo cu hopi sla riba dje, pero sin mucho resultado.

Como cu den marduga a opta pa no haci nada y sin tene cuenta cu e peliger cu e chauffeur iresponsabel a bay laga atras, mainta polis a realisa e risico miho y a opta pa haci lo corecto. A cera diferente crusada cu ta yega cerca di e pomp di gasolin. 

Hit and run: A accidenta contra un pomp di diesel na CITGO Savaneta

Hit and run: A accidenta contra un pomp di diesel na CITGO Savaneta. https://24ora.news/3QsJ8jE

Posted by 24ora on Saturday, August 13, 2022

A cera e crusada na altura di Do It Center y S-Chow Supermarket y tambe na e crusada pariba di MFA Savaneta. Mientras a wanta publico riba un distancia, bombero por a spuit e caminda y haci e area limpi y sin diesel ta core tur eybanda. 

Ta di dos desgracia den un siman di tempo, den cual auto ta ranca un pomp di combustibel completo. Pa colmo ambos stacion ta pertenece na Fuels Marketing and Supply Aruba (FMSA), un compania priva di Gobierno, cu ta maneha cumpramento, distribucion y benta di combustibel na Aruba. Tanto CITGO Boulevard como CITGO Savaneta ta di FMSA pero opera pa un otro compania priva. Esun na Savaneta ta bou encarga di e yiunan di defunto politico Rudy Croes. 

Brandweer ta spula diesel for di caminda

Destruccion di pomp na Citgo Savaneta. Brandweer ta spula diesel for di caminda. https://24ora.news/3QsJ8jE

Posted by 24ora on Sunday, August 14, 2022

Den siman e gerente di CITGO Boulevard a calcula e daño na mas o menos 70 mil florin pa por cumpra un pomp den exterior, trec’e Aruba y instal’e di nobo. Den caso di CITGO Boulevard, e chauffeur a bandona e sitio y despues a bolbe pa duna cara pa su acto. Esun na CITGO Savaneta a “hit and run”, pues no a keda na e sitio. Lo mester haci uzo di sistema di camara di siguridad awo pa mira si por reconoce e auto cu a comete e acto castigabel aki, esta causa un desgracia, laga daño atras y bandona e sitio. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.