fbpx
December 06, 2022

Alan Howell: Hues tin e pruebanan cu Landsrecherche a comete fraude

Share on Facebook
Share on Whatsapp
0
0
Alan Howell: Hues tin e pruebanan cu Landsrecherche a comete fraude
Alan Howell: Hues tin e pruebanan cu Landsrecherche a comete fraude


Manera e abogado mr. Doris Canwood a bin ta splica binticuater ora despues di e ‘regiezitting’, cu e tin den su poder mensahenan di WhatsApp entre su cliente, ex-parlamentario Howell cu Farah Boekhoudt. Di parti defensa Howell ta confirma cu ayera, abogado Canwood a entrega esaki nan na hues.

Segun Landsrecherche; no por a haya ningun chat entre e dos personanan menciona mirando cu ya a ‘delete’ e combersacion. Ta sospecha cu Landsrecherche a declara esaki den nan ‘process-verbaal’ deliberadamente pa wanta Howell su pruebanan afo p’asina perhudic’e den e caso. Pero pa nan mala suerte abogado Canwood si tin e mensahenan den su poder despues cu Howell a haya su telefon celular bek for di Landsrecherche. Cometiendo e delito aki, e recherche di Landsrecherche a comete un fraude grandi den e caso. Dimes e ta desvia e fiscal y hues completo den e caso cu ta algo inaceptabel.

Tambe e investigacion no ta husto, no ta confiabel y tampoco a investiga cu maximo cautela. E tres puntonan aki ta un exigencia y esencial durante cualkier investigacion penal. Dimes cu ta straño caba cu Farah Boekhoudt tabata un sospechoso y diripiente awo no mas pero si kier uza su declaracion. E pregunta grandi ta; kico lo pasa cu e recherche encuestion pa comete algo grave asina den e caso. Ningun fiscal of hues integro lo keda contento cu algo asina den cualkier caso penal.

Tambe a confirma cu abogado mr. Canwood a manda pa hues e rapport di ‘account’ unda ta splica con a uza e placa di e Stichting Hunto Nos Por. Pueblo no a keda contento algun dia pasa pa tende cu tin fraude di parti Landsrecherche den e caso di Howell, segun e ex-parlamentario. Esaki ta pone pueblo perde mas confiansa den e bureau hudicial di Landsrecherche.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.