fbpx
December 06, 2022

Minister di Finansa: Gobierno a reduci e deficit 

Share on Facebook
Share on Whatsapp
0
0
Minister di Finansa: Gobierno a reduci e deficit 
Minister di Finansa: Gobierno a reduci e deficit 


Den presupuesto 2022 CFT a conseha pa baha e cifranan di goederen en diensten te cu 39 miyon. Den comparacion cu e progreso dje prome y di dos kwartaal, a gasta 86 miyon cu ta refleha 40% di locual ta presupuesta.

Minister di Finansa, mr. Xiomara Maduro, a informa cu na parlamento nan a entrega e nota di cambio. Den e nota di cambio gobierno a indica na parlamento e cambionan presenta, e fondonan ricibi y tin e cosnan cu nan a para pa asina por a contene e gastonan di gobernacion. Den e nota di cambio a splica parlamento ampliamente kico tabata e gastonan cu tabata menos, e proyectonan cu no a bay door. Tambe cua tabata e fondonan cu gobierno a haya extra y asina ey yega na e reduccion di deficit.

Pa loke ta un ponencia di a retrasa den realisacion di algun pago di recibo p’e cifranan por a mustra miho, e mandatario a indica cu nan no ta haci triki. Tin un realidad cu na momento tin un necesidad, unda cu mester corda di tin un deficit. Segun Maduro, nan a cuminsa c’un deficit di 227 miyon florin y aworaki a reduci esey na 148 miyon florin. Esaki ta un fondo cu gobierno di Aruba no tin.

El a sigui splica cu nan ta hayando e fondonan di sosten di likides y te awo gobierno a haya diesdos miyon. Esey ta significa cu tin un suma habri. E suma aki gobierno e ora ey ta bay pa financia e parti aki riba mercado local.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.