fbpx
December 06, 2022

Jairo Lesire lo sinta cinco aña den prizon

Share on Facebook
Share on Whatsapp
0
0
Jairo Lesire lo sinta cinco aña den prizon
Jairo Lesire lo sinta cinco aña den prizon


Corte a haya Jairo Lesire culpabel di a tira direccion di un persona y durante cual acto, un bala a alcansa e victima na cachete. Pa e echo aki e lo bay sinta cinco (5) aña den KIA. A trata su caso algun siman atras, unda e hoben aki di 21 aña a nenga di a actua intencional y a admiti cu e ta cana cu e arma debi na menasa ricibi ultimo tempo. Tur esaki a sosode e aña’ki, dia 13 di februari dilanti Blue Moon na Tanki Leendert. E tabata e periodo cu polis a haya nan mes confronta cu diferente caso di losmento di bala. 

Tambe el a wordo haya culpabel di posesion di arma di candela carga. Hues a comparti pensamento di fiscal, cu e pruebanan ta suficiente pa declara Jairo culpabel di intento di asesinato y di posesion di arma di candela. Hues a bisa cu a uza declaracion di e victima y otro testigonan ocular, cu na e sitio no a nota cu e victima tabatin un problema cu e acusado. A tum’e na malo cu e tabata tin un arma di candela den su auto, pues coriendo rond cu esaki. Y esaki ta un peligro, manera cu a sosode den e caso trata. 

Na momento cu e victima e bini na su auto, e homber Jairo a dicidi pa pasa man cu e arma y los tiro riba e homber W. Un bala cu danki Dios no a alcansa e victima na un area cu por tabatin consecuencianan hopi mas grandi. Den e sucedido na februari, e bala a alcansa e victima na su cachete pa despues pasa bay pega den su nek. Tabatin un chens grandi cu cos por a bay fout den e sentido cu W. por a perde su bida.

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.