fbpx
December 06, 2022

Den Corte a sali na cla: Tur cu a yuda den caso “dudoso” a haya puesto halto como recompensa

Share on Facebook
Share on Whatsapp
0
0
Den Corte a sali na cla: Tur cu a yuda den caso “dudoso” a haya puesto halto como recompensa
Den Corte a sali na cla: Tur cu a yuda den caso “dudoso” a haya puesto halto como recompensa


Den e ultimo di un serie di tres articulo riba e persecucion politico di e funcionario policial Paola Kock, cu Gobierno a pidi su retiro for di Cuerpo Policial Aruba (KPA), ta bay riba con a tarda pa tuma medida contra su persona pero tambe con a manipula e investigacion. 

E persecucion politico, splica detayadamente den e otro articulonan, a cuminsa for di momento cu el a tuma declaracion di e yiu di Minister di Husticia actual, Rocco Tjon. Cu tur detayenan cu a bin dilanti ta conecta na otro for di 2010 te cu na 2018 ora cu ordo a bin pa start un investigacion contra Paola Kock pa supuestamente saca informacion di e caso IBiS. 

Tin un regla den KPA, cu ta sali for di Korps Mededeling NO. 225/2002, onderwerp disciplinaire procedure, cu na momento cu detecta un ernstige plicht verzuim di un polis, cu e mester wordo avisa lo mas lihe posibel y dentro di un siman mester actua contra e funcionario y si acaso mester tuma un  investigacion interno, esaki mester sosode en todo caso dentro di un luna despues cu e plicht verzuim wordu cometi. Tambe ta poni cu den un caso di un ernstige plicht verzuim mester informa e Minister di Husticia.

Den e caso di Paola Kock, a faya barbaramente cu e reglanan menciona y asina mes despues di mas cu un aña di e sucedido, asina mes a persiguie, mand’e cas y despues pidi su retiro.

Pakico a tarda asina hopi, tabata pregunta di e huesnan. E contesta di defensa di Gobierno ta cu pasobra un biaha Paola mes a pidi uitstel y despues nan ta bisa pasobra tabatin cambio di Mando Policial entre  Dolfi Richardson pa Andrew Hoo.

Sinembargo, defensa di Paola Kock a trece dilanti cu Minister di Husticia, mr. Arthur Dowers a declara cu e tempo ey altocomisario Dolfi Richardson a pone na altura di e sucedido y cu Richardson mes a inform’e cu no tabatin nada pa cuminsa un investigacion contra Paola Kock.  Pa e relato completo y detaya lesa TREMPAN

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.