fbpx
December 06, 2022

Gobierno di Hulanda ta pone mas di 33 miyon euro pa electricidad sostenibel pa Caribe Hulandes

Share on Facebook
Share on Whatsapp
0
0
Gobierno di Hulanda ta pone mas di 33 miyon euro pa electricidad sostenibel pa Caribe Hulandes
Gobierno di Hulanda ta pone mas di 33 miyon euro pa electricidad sostenibel pa Caribe Hulandes


Gobierno Hulandes ta pone 33,6 miyon euro disponibel pa un transicion acelera pa electricidad sostenibel na Boneiro, Sint Eustatius y Saba. Aki un par di aña ta genera alrededor di 80 porshento di electricidad promedio riba e tres islanan cu energia di biento y solo. Esey ta zorg pa prijs mas abou, menos dependencia di por ehempel petroleo y considerabel menos emision di nitrogeno.

Energia di solo y biento

Na Boneiro e productor di electricidad Contour Global y e compania di maneho, Bonaire Brandstof Terminals (BBT), sostene cu un subsidio, ta inverti den un parke solar y un parke di biento. Ta bin tambe un bateria pa wanta e coriente y uza esaki na momento cu tin menos biento. Ta finalisa e inversion aki na 2024/2025. E ora ey lo genera 80 porciento di electricidad riba e isla cu fuentenan sostenibel. Esaki ta zorg pa prijs di energia mas abou na Boneiro. 

Na Saba a construi anteriormente dos parke solar. Saba ta investiga e posibilidad pa construi un combinacion di un campo di papel solar extra y un parke di biento. Meta ta pa dentro di 2 aña genera riba un dia promedio, 100 porciento di e electricidad di forma sostenibel. Saba Electric e ora ey mester haci uzo di e generatornan fosil solamente ora no tin suficiente solo of biento. 

Na Sint Eustatius, Statia Utility Company ta ampliando e parke solar y e retencion pa medio di bateria. Di e forma ey por genera alrededor di 60 porshento di electricidad di forma sostenibel den 2024. Ora dal e siguiente paso pa expande, ta haci esfuerso pa logra 80% di electricidad duradero.

Gobierno ta sigui traha cu Boneiro, Saba y Sint Eustatius pa aumenta conservacion aun mas tanto y limita e consecuencianan negativo di cambio di clima (adaptacion di clima).

Minister Rob Jetten di Clima y Energia: “Mi ta sumamente contento cu hunto cu e gobiernonan di Boneiro, Saba y Sint Eustatius como tambe e companianan di electricidad, nos por dal e paso importante aki pa logra produccion sostenibel di electricidad. Di e forma aki nos ta zorg pa un bahada significativo di emision di CO2, Caribe Hulandes ta bira menos dependiente di combustibel fosil y asina menos vulnerabel pa prijs halto  di energia, manera cu ta bisto na e momentonan aki. Cu esaki, Caribe Hulandes ta bira asina un showcase pa haci otro islanan chikitu den region sostenibel.”

Secretario di Estado Alexandra van Huffelen di Relacion di Reino ta mira den esaki un adelanto importante pa Caribe Hulandes. “Esaki ta yuda e hendenan riba e islanan, pa motibo cu nan suministro di coriente ta keda confiabel y nan recibo pagabel. Y esey cu mucho menos of sin ningun emision. Mi ta sumamente satisfecho cu gobierno ta haci esaki posibel.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.