fbpx
December 08, 2022

Gwendell Mercelina (Partido Nacional di Pueblo): Den IPKO e interes di e banda Europeo ta hopi abou

Share on Facebook
Share on Whatsapp
0
0
Gwendell Mercelina (Partido Nacional di Pueblo): Den IPKO e interes di e banda Europeo ta hopi abou
Gwendell Mercelina (Partido Nacional di Pueblo): Den IPKO e interes di e banda Europeo ta hopi abou


Varios parlamentario di tanto Aruba, Corsou y St. Maarten, actualmente ta na Hulanda, relaciona cu e Interparlamentaire Koninkrijksoverleg (IPKO). Den cuadro di esaki, nos colega Marko Espinoza a combersa cu parlamentario di Corsou, Gwendell Mercelina, Jr., di Partido Nacional di Pueblo.

POCO INTERES

Esaki ta Mercelina su di tres IPKO y e ta di opinion cu den e IPKO e interes di e banda Europeo ta hopi abou, unda cu a mira cu nan tabata tin otro prioridadnan. Un ehempel di esaki tabata na momento di e charla riba e buki ‘Ongemak’ di Gert Oostindie y Wouter Veenendaal, a bin dilanti cu e ley mas importante di Reino, ta e parti di Statuut.

E discusion aki ta algo cu mester tuma como e rol parlamentario, pa loke ta e parti legislativo, e funcion di ‘Wetgevende Macht’, mester pone mas atencion na dje. Sigur e preparacion di e partinan di e islanan den Caribe. Si ta bon documenta, ta fundamenta y e argumentonan ta mucho mas miho, e parti emocional no ta e parti mas importante, pero si e ‘overtuigingskracht’ (habilidad di convencimento) pa no distingui e balor di e islanan na loke otro ta pensa di nan, pero kico nan mes ta pone pa nan mes.

DEFICIT DEN DEMOCRACIA

Pa loke ta e posibel cambio den e forma di pensa di Reino pa loke ta e islanan den Caribe, unda cu ta pensa riba e opcion pa tin un representante di cada isla, cual sigur lo bira un cambio drastico, e parlamentario a bisa cu e ta algo hopi interesante. E parti mas primordial ta cu e pueblo mester wak un desaroyo den su bienestar na momento cu si tin un representante di dje den un posibel Parlamento di Reino, den cualkier constelacion cu e bin, kisas den futuro. E discusion mester bin cu mester hib’e bek local. Bay bek n’e pueblo, hiba e discusion di si berdad e pueblo ta sinti cu esaki lo por yud’e, ya cu den e paisnan den Caribe tin e discusion di cu independencia lo ta miho pa e bienestar pa e pueblo, of bira un parti (directo) den Hulanda. Marcelina a bisa cu mester hiba e discusion aki toch mester hib’e den liña cu cada representante di nan pueblo ta mira pa por wak si di berdad, den e vision pa drecha e deficit democratico, con ta bay soluciona esaki. Ta interesante pa e generacion nobo di politiconan cu kier mira mas oportunidad, e mandatarionan mester por mira e forsa cu e pueblo ta compronde. Esaki, pa Marcelina, mester por mira e forsa cu e pueblo ta compronde. Esey mester ta e prioridad.

FORSA DI BOLUNTAD PA HACI CAMBIO Ora ta trata di cambio, sigur na nivel estatal y legislativo, esaki ta rekeri forsa di boluntad di parti di e politiconan. “Ora cu compronde historia y e lucha hiba na 1954, pa e islanan ta unda nan ta awe, lo realisa kico ta e beneficio cu e otronan ta wak den bo y cu bo lo por fortifica. Sigur e ta algo importante, pero no tur hende ta comprond’e. Parlamento ta representante di pueblo y e ta un refleho di e pueblo. Ora cu yega na e discusion aki, ta mira cu mester tin hende cu tin e comprendemento, comprension y analisis di e materia pa por yega mesun leu manera ta desea, si e discusion aki ta relevante of no. E punto primordial ta, si kier mira e bienestar di e pueblo y cu e pueblo tambe, como esun cu ta guia, cu ta, pa e tin un bon posicion. P’e, esey ta loke ta mas importante. E pueblo mester sinti cu ta duna balor na dje como ciudadano, en general, cada pueblo, e ciudadano Hulandes mester tin su balor. Eynan ta unda cu mester wak con ta hacie concretamente, structura of no, pero cu cada un pueblo tin e mesun balor por igual. Esey ta e forsa di e pueblonan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.