fbpx
December 08, 2022

mr. Gerlien Croes (AVP): Gobierno mes a haci y deshaci

Share on Facebook
Share on Whatsapp
0
0
mr. Gerlien Croes (AVP): Gobierno mes a haci y deshaci
mr. Gerlien Croes (AVP): Gobierno mes a haci y deshaci


E realidad ta cu Aruba ta goberna pa cinco aña caba den un forma partidista. Pa loke ta interes di e partido di mas grandi den gobernacion, y esun chikito cu ta duna nan sosten como coalicion, esey ta e interesnan n’e momento aki cu ta carga na Aruba y no interes di pueblo.

mr. Gerlien Croes, parlamentario di AVP, a splica cu e realidad ta cu nan mes ta haci y deshaci. No ta inclui oposicion den e decisionnan, dialogo, combersacion. Hasta a vocifera pa duna oposicion maske ta voorzitterschap of vice-voorzitterschap den comision di Parlamento di Aruba y oposicion no a haya nan.

Nan ta haci y deshaci, nan ta presidente di tur comision y esey ta incluso e comision di Koninkrijk Relatie, relacion cu Reino. Segun Croes, nan tabatin un reunion preliminario den CK pa locual tabata e topiconan treci dilanti p’e agenda. Despues di esey no a haya ningun informacion mas, no a puntra oposicion nada di loke nan ta pensa. Nan a haya tur documento manda digital. Nan ta haci y deshaci, nan ta papia, nan ta haci locual nan kier.

Croes ta haya esaki ta algo di lamenta, pasobra ta hunga politica door di bin bisa cu oposicion completo di Aruba ta uza e plataforma aki pa haci politica partidista. “Ohala tabatin e union cu mester tin den Parlamento di Aruba for di nan banda. Y cu nos ta sali na defensa di e interes comun di nos comunidad”, el a indica. Tambe ta haci e decisionnan riba interes di pueblo. Si e tabata asina, e no lo tabatin cada bes tin diesun votado ta vota voor pa tur cos cu gobierno ta trece dilanti. Alabes no ta diesun persona, diesun zetel so ta dicidi ken ta manda of por trek un comision di parlamento, cu ta e organo di mas importante di Aruba y e comisionnan cu ta trata e topiconan di mas importante cu ta relata n’e desaroyo dje pais.

Realidad ta cu esunnan of e gobierno actualmente n’e momento aki ta goberna Aruba pa cinco aña den un forma partidista y awo ta purba crea impresion cu oposicion ta haci uzo di un plataforma pa haci politica partidista.

Durante henter e siman aki fraccion di AVP a bin ta informa comunidad di e realidad. Si ta pa nan bisa di no a mira e speech cu e cabes di delegacion a duna, si no ta pa nan bisa di no a wak ningun texto presenta durante IPKO, Croes ta puntra su mes dicon na ningun momento a manda e speechnan aki pa oposicion mira. Pero tambe pa oposicion duna un comentario y pensamento riba loke a presenta. E parlamentario ta kere cu el a cay bek den MEP su scochi, nan ta purba di laba man y tira oposicion algo riba oposicion. Pueblo sa hopi bon ken ta na e momentonan aki ta haci partidista cu pais Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.