fbpx
December 08, 2022

Ady Thijsen: Statuut ta duna e islanan mas poder

Share on Facebook
Share on Whatsapp
0
0
Ady Thijsen: Statuut ta duna e islanan mas poder
Ady Thijsen: Statuut ta duna e islanan mas poder


Durante e reunionnan pa cu IPKO, Paul Comenencia durante Raad van State a trece un punto dilanti cu e islanan mester haci un esfuerso pa tin un miho representacion na Hulanda.

Riba e punto aki, mr. Ady Thijsen, Minister Plenipotenciario interino na Hulanda, a trece dilanti cu pa hopi aña caba e punto aki ta den discusion. Por a wak e desaroyonan ta bay y toch por ripara cu no ta logra di bay dilanti. Na 10-10-10, ora a bin cambio di Statuut, Aruba su delegacion, pa medio di e fraccion di MEP, a trece un amienda unda cu a mustra con Aruba por participa mas den e decisionnan cu ta tuma den Reino. Statuut ta duna Aruba e oportunidad ey, como bijzonder gedelegeerdenan, por haci uzo di esey y Thijsen ta haya cu esey ta algo bon.

Pa Thijsen, loke Comenencia kiermen cu e islanan no ta participa mucho den cierto discusionnan cu ta importante pa e islanan. Sigur e ta comparti e punto di Comenencia y Thijsen a sigui algun di e reunionnan, unda cu el a duna como ehempel cu ora ta papia dicon mester bin un Parlamento di Reino, Thijsen no ta kere cu esey por yuda e islanan mucho. Pero mas bien cu mester sigui haci uzo di e Statuut, articulo 17 como ‘Bijzondere Gedelegeerden’. E ora e parlamentarionan no ta bin solamente pa IPKO, cu e ta Relacion di Reino.

Den pasado caba a yega di bin cu delegacion unda cu e fraccionnan a participa den e Rijkswetten, cu tabata tin di haber cu Husticia, Salud Publico y Educacion. Eynan e islanan tin mas participacion. Pero tambe e paisnan den Reino ta traha cu ‘Rijkswetten’. Ora c’un Rijkswet sali e ta yega cerca e Parlamento di e islanan autonomo, cu ta trat’e, traha un informe di dje y ta mand’e bek. Despues ta bin e tratamento di e Rijkswet y e ora e islanan por manda Bijzondere Gedelegeerden’. Nan tin derecho di bin c’un amienda como tambe derecho di bin cu mocion, pero no tin derecho di voto. Pero na 2010, Aruba a entrega un amienda pa duna e pueblonan loke nan ta pensa y loke nan kier. Ora cu nan saca un Rijkswet, e ta mishi cu e parti di autonomia di e paisnan, y ora cu e yega n’e parlamentonan, no mester bay traha un informe di dje. Pero ta bay trat’e prome y despues ta bin votacion. Si e logra dos tercera parti, e ta cana su caminda pa Hulanda. Y si esaki no t’e caso, e no ta sigui bay. Motibo di esaki ta cu e pueblonan di e paisnan autonomo a tuma un decision: e ta mishi cu automonia di e paisnan y nan no kier pa e sigui. Esey pa Thijsen ta un manera democratico pa e pueblo por tin algo di bisa den Reino. Ta cosnan cu mester traha riba nan, Minister Plenipotenciario, mr. Ady Thijsen a finalisa bisando.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.