fbpx
January 28, 2023

Apertura di sucursal nobo di Total Finance na Paradera

Share on Facebook
Share on Whatsapp
0
0
Apertura di Total Finance su sucursal mas nobo na Paradera
Apertura di Total Finance su sucursal mas nobo na Paradera


Diahuebs anochi a tuma luga e apertura oficial di e sucursal di mas nobo di Total Finance, na Paradera.

Esaki ta e tres sucursal di Total Finance, nan tin un sucursal na Noord (ex-Aruba Bank), uno na Oranjestad y tambe esun mas nobo na Paradera. Naira Mansur, Operations Manager di Total Finance, a sigui bisa cu nan  a habri e sucursal nobo aki na Paradera, pa ta mas cerca di e pueblo. Paradera ta un bario mas central, n’e localidad aki tin luga amplio pa para auto.

Conhuntamente cu e apertura di nan sucursal nobo, nan ta introduci tambe cu Total Finance a introduci un servicio nobo: fiansa pa auto (car loan). Nan ta conoci pa fiansa personal (Personal Loan), pero hunto cu e apertura di nan sucursal mas nobo, nan ta introduci e servicio nobo aki. Paradera ta bira tambe nan sucursal principal pa fiansa pa auto.

Mas cu claro, e cliente por bin cercanan pa cualkier informacion y aplicacion pa fiansa pa auto,  pero tambe pa fiansa pa auto. Por subi riba nan website www.totalfinancearuba.com. Pero tambe e cliente por manda un whatsapp na 594-2167. Hopi hende ta gusta manda nan documentonan via whatsapp. Nan no ta gusta bin personal mas, cual ta posibel. Por manda tur documento via whatsapp y na momento cu mester bin firma so, por bin personal pa firma contract.

E cliente por scoge na cual sucursal e lo bay, sea ta na Noord, Oranjestad of na Paradera, unda cu e empleadonan lo ta cla pa ricibi y asisti e cliente cu tur informacion necesario.

Total Finance Paradera ta cla pa ricibi su clientela, cu e bon servicio di semper.

HISTORIA DI TOTAL FINANCE

Total Finance a cuminsa como H.J. Ruiz den decada di 1970. El a cuminsa como un negoshi chikito cu tiki cliente. Pero e negoshi a sigui crece y na 2005 a cambia e nomber pa Total Finance. Anteriormente nan tabata traha basa riba miembresia, pero desde 2014 a habri ful comunidad di Aruba. Un cliente no mester ta referi mas pa un otro cliente, pero cualkier persona por bira un cliente nobo di Total Finance.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.