fbpx
December 08, 2022

mr. Gerlien Croes (AVP): Rijksministerraad no a tende con Aruba ta bay paga bek

Share on Facebook
Share on Whatsapp
0
0
mr. Gerlien Croes (AVP): Rijksministerraad no a tende con Aruba ta bay paga bek
mr. Gerlien Croes (AVP): Rijksministerraad no a tende con Aruba ta bay paga bek


Diabierna IPKO a yega su final y a tuma cierto conclusion. Pero tambe AVP a reacciona riba loke Secretario di Estado, Alexandra van Huffelen a bisa despues di e reunion di Rijksministerraad. MEP a papia riba kwijtschelding, pero no a papia mes ainda con ta bay cuminsa paga Hulanda bek.

mr. Gerlien Croes, parlamentario di AVP, a indica despues di Rijksministerraad e secretario di estado a bisa di no a tende algo di kwijtschelding. Tampoco a papia di paga bek un fiansa y Aruba ta sali na comienso di IPKO cu e presidente di parlamento como Shailiny Lee-Tromp cu ta na cabes dje delegacion a bisa pa papia di un kwijtschelding of un posibilidad di regalo. Van Huffelen ta puntra su mes ainda cu no a papia con ta bay paga bek, y corda cu ainda no a yega na e punto di papia di kwijstschelding.

Esaki ta cosnan cu no por pasa. Segun Croes, dialogo ta sumamente importante den tur procedura cu nan ta pasa aden. “Esey ta algo cu nos ta encarece di dje por lo general, internamente tambe. Pero ora ta aki afo, e bandanan cu nos tin cu leg manera nan ta bisa, cu e Hulandesnan, cu e miembronan di Parlamento akinan, Eerste y Tweede Kamer ta sumamente importante”, el a indica.

Esaki mester ta un les. Tambe e parlamentario ta kere cu e inspraak, locual nan tin di bisa pa un siguiente IPKO y defini e puntonan di agenda ta hopi importante. Esaki ta pasobra na final di dia tur decision tuma na nivel di reino, tur decision tuma den constelacion manera IPKO, “nos no tin cu lubida nunca den nomber di ken nos ta tuma e decisionnan aki.” Esaki ta algo cu AVP a vocifera. Croes a trece e conclusion aki dilanti den e deelgroep di diaranson. No por lubida cu nan ta na Hulanda y ta papia di proceso di consensus Rijkswet. Nan tin di bay defini un bon proceso, mester tin afspraken, nan mester garantisa. “Danki Dios nos ta wak cu den afspraken lijst di e IPKO aki a inclui cu nos tin cu garantisa participacion di tur parlamento den e proceso”, el a indica. Na final el a reitera cu tin di corda cu ta representa e interes dje comunidad, di pueblo di e islanan y Hulanda. “Nos mester tene esey semper den mente cu den nomber di pueblo nos ta haciendo e trabou aki. Y den nan nomber nos ta tuma decisionnan.”

Pa un siman largo a tuma luga encuentro Inter Parlamentario (IPKO) di e islanan hunto cu Hulanda. Dialuna a cuminsa c’un tripartiet y despues a sigui un siman basta yen. Nan a haya presentacion y hopi discusion riba topico. Tur pais y Hulanda a bay di acuerdo cu e afspraaknan haci. E puntonan cu a bin dilanti dje afspraken lijst ta entre otro e importancia di definicion di proceso. Un topico cu nan a papia hopi di dje tabata e consensus Rijkswet.

E proceso y rol cu eigenlijk e parlamentonan di e paisnan aki mester hunga den ful e trayecto di un consensus Rijkswet, tabata un di e puntonan explicitamente poni den e afspraaknan ey. Croes a sigui splica cu tabatin hopi bay bin riba locual ta e puntonan agenda pa e siguiente IPKO. A acorda cu e siguiente encuentro di IPKO ta tuma luga fin di februari na Corsou. Di aki pa februari lo bay tin dialogo cu mester tuma luga virtualmente p’asina por yega na un lista di punto di agenda cu lo mester trata den e siguiente IPKO. Pa loke ta e topico manera abolicion di sclavitud, AVP ta mira e banda di Hulanda cu nan kier pa mantene riba agenda dje siguiente IPKO. Segun Croes, e realidad ta cu desde e momento aki AVP a bin ta bisa henter siman cu tin hopi proceso mester ta cambia y drecha. Entre nan e proceso con e delegacion di Aruba, como pais a prepara nan mes pa representa Aruba. Tambe con e comunicacion ta cana na momento a yega eynan, presenta y duna e puntonan di bista como pais tegenover Hulanda, esaki ta pasa hopi biaha den ultimo sesion di IPKO sin bon palabracion cu tur miembro di parlamento. Na momento cu ta sali fo’i Aruba, ta haci esey como delegacion. Oposicion y coalicion ta bay hunto y mester ta di acuerdo cu mensahe cu kier manda Hulanda.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.