fbpx
December 08, 2022

Polis a scual y multa tata cu a laga yiu menor stuur auto laat den anochi

Share on Facebook
Share on Whatsapp
0
0
Polis a scual y multa tata cu a laga yiu menor stuur auto laat den anochi
Polis a scual y multa tata cu a laga yiu menor stuur auto laat den anochi


Diabierna anochi alrededor di 10:00 pm un patruya di polis di e districto di Noord tabata ocupa cu un control di trafico poco pariba di rotonde Tanki Flip. A para diferente auto y a reparti varios multa. Apart di esey, a confisca algun vehiculo cu no tabatin nan documento na ordo. Locual a resalta mas durante e control, ta ora cu a para un Toyota Yaris color blanco numera A-12672.

Un hoben menor di apenas diesseis aña tabata maneha e auto auto aki mientras e tata tabata sinta den banda. Polis a duna e tata un bon scual. A splica e hoben cu locual e ta haciendo ta completamente robes. A hasta dun’e algun ehempel, entre otro si nan haya nan mes envolvi den un accidente pisa, cu no obstante su edad, husticia lo persiguie.

E hoben a compronde e perspectiva di e agente policial. Di otro banda, pa evita cu ta laga ambos na pia, a duna nan un chens di keda cu e auto pero toch a duna e tata un multa. E tata a disculpa su mes na polis, sinembargo e tin un multa pa bay paga na Ministerio Publico. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.