fbpx
December 08, 2022

Rennox Calmes (TPK):  Tin un desbalance y discriminacion ora di debati

Share on Facebook
Share on Whatsapp
0
0
Rennox Calmes (TPK):  Tin un desbalance y discriminacion ora di debati
Rennox Calmes (TPK):  Tin un desbalance y discriminacion ora di debati


Durante reunion di IPKO un topico cu a bin dilanti tabata e parti cu ta papia na Hulandes y no na Papiamento. Parlamentario di Corsou di TPK a yega di trece e punto dilanti den otro encuentro di IPKO riba e idioma uza cu ta Hulandes. Aunke a uza Papiamento, tin un desbalance ora di debati. E situacion aki a pone e parlamentario di Corsou sinti discriminacion.

Rennox Calmes, parlamentario di Corsou (TPK), a informa despues di mira e actitud dje presidente y algun miembro di Tweede Kamer, el a saca afo cu e no tabata desbalance so. E ta mir’e incluso como un discriminacion.

 E ta wak e asina pasobra no ta ayera el a lanta bisa pa ban papia Papiamento. El a cana e caminda manera nan ta considera manera di hende drechi. Tabatin IPKO na Sint Maarten y nan a percura pa trece esey dilanti. Calmes a zorg pa trece e proposicion dilanti y den e presidium nan a atende.

 Calmes a splica cu na momento el a lanta pa papia na Papiamento p’e bisa di un palabracion, e ta bira tende e presidente bisa cu tin palabracion cu ta papia Hulandes. E kiermen esey no ta berdad, pasobra nan no a cumpli cu palabracion. E parlamentario a bay wak kico a pasa, aki el a bin haya sa cu Hulanda a manda un contesta pa Sint Maarten so, di cual normal tur comunicacion ta bay hunto. Incluso desde mei te awo tabatin diferente contacto, caminda e presidentenan ta sinta hunto. Esaki tabata un topico, pues e no por a compronde dicon esey no tabata pasando.

 Den e carta cu nan a manda pa Sint Maarten, di cual Corsou no a haya, ta bisa cu nan no tin budget y cu logistiek, nan no por a logra cu esaki. Pa su persona esaki simplemente tabata completamente fo’i luga. E kiermen cu no por ta den un luga asina bunita y cu tin tur cos na ordo, por a mira tecnologia di mas moderno. Y awo ta bisa cu no por a percura pa tin un tolk.

E ta haya cu den e sala mes tabatin hende cu por a fungi como tolk. Loke el a gusta biaha pasa na Sint Maarten, nan si a haci esey n’e momento ey.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.