fbpx
December 08, 2022

Tourism Product Enhancement Fund (TPEF) a lansa website

Share on Facebook
Share on Whatsapp
0
0
Tourism Product Enhancement Fund (TPEF) a lansa website
Tourism Product Enhancement Fund (TPEF) a lansa website


Ayera nochi na Tierra del Sol, den un bon ambiente, Tourism Product Enhancement Fund (TPEF) a lansa su website pa prome biaha den historia. Esaki a sosode den presencia di minister-president Evelyn Wever-Croes, Minister Dangui Oduber, otro minister, parlamentarionan, directiva di TPEF y demas stakeholders di e industria turistico. E website aki ta sigui mustra maneho di Minister Oduber, caminda tur caminda ta conoce innovacion atraves di tecnologia.

A funda TPEF na aña 2010, traha cu e proposito pa inverti den proyecto cu ta contribui na mehoracion di e producto turistico di Aruba. E portfolio den TPEF ta inverti den proyecto cu ta consisti di 6 categoria. Esakinan ta: Atraccion, Siguridad, Medio Ambiente, Herencia, Conscientisacion y Inversion.

TPEF semper a traha a base di e sistema di “Good Corporate Governance”. Desde cu a funda TPEF y specialmente den e ultimo 5 añanan e organisacion a logra realisa hopi proyecto atraves di Ministerio di Turismo. Proyectonan mas notabel di TPEF ta entre otro e Boardwalk na Malmok, trapi y hut na Hooiberg, e pier na Rodgers Beach, mantecion di costa, campaña Stimami Steralisami, ta pa menciona algun.

Awor cu e website nobo, www.tpef.aw tur hende por mira tur proyecto cu TPEF a realisa. Esunnan cu tin un idea cu nan kier realisa y mester di fondo por haci un peticion pa esaki riba e pagina web mes. Claro semper y cuando esaki ta den e portfolio di 6 categoria ya caba menciona. Riba e pagina web lo por haya tur informacion y pa pregunta por contacta e personanan indica eynan mes tambe.

Minister Dangui Oduber a keda masha impresiona con e website a keda. E mandatario ta sigur cu e lo bay facilita henter e proceso pa yega na e fondo di TPEF. Finalmente Minister Oduber ta felicita henter e board di TPEF encabesa pa Mario Arends. Un danki special na Sharlyze Romano cu ta Project Manager di TPEF cu e bunita logro historico aki.

Turismo ta keda e driver di nos economia y pesey ta importante pa nos keda inverti den e mehoracion di nos producto Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.