fbpx
December 08, 2022

Abraham de Veer School cu tremendo dia di charla pa su studiantenan

Share on Facebook
Share on Whatsapp
0
0
Abraham de Veer School cu tremendo dia di charla pa su studiantenan
Abraham de Veer School cu tremendo dia di charla pa su studiantenan


Diaranson 28 di september 2022, Commandant Generaal Abraham de Veerschool a organisa bao di guia di e decanonan: Edna Vinck-Geerman y Minoushka Chin-Sie-Jen, un tremendo ‘Carrousel’ pa e alumnonan.

E carrousel a wordo organisa den cuadro di ser un bon ciudadano.

E temanan cu a wordo presenta ta: Motivacion (pastor T. Orman), ‘Peer Pressure’ y ‘Cyber World – gaming’ (Telefon Pa Hubentud), Higiena diario (Jeugdgezondheidszorg), abuso/negligencia di mucha (Fundacion Respeta Mi), Prevencion di enfermedadnan transmiti sexualmente (Dienst Besmettelijke Ziekten), preveni ta miho cu lamenta (Famia Planea Aruba), detecta violencia relacional (Fundacion Contra Violencia Relacional), Amenasa y violencia relata na gang/ser un miho ciudadano (Korps Politie Aruba), habilidadnan social (Orthopedagogisch Centrum Aruba/OC), evita embaraso hubenil (Wit Gele Kruis).

E obhetivo di e dia:

  1. Pa nos alumnonan, ta mas consciente di e importancia di nan cuido personal, tanto fisico, social y mental, y sa unda mester ta pa haya e informacion of ayudo necesario;
  2. Pa nos alumnonan, ta mas consciente di e importancia social di biba den un sociedad saludabel basa riba norma y balornan generalmente acepta.

Den tur e charla nan/workshop presenta, e parti di tuma ‘decision corecto’ tabata e yabi of unda e enfasis a wordo poni.

Nos kier gradici tur nos mentornan cu a yuda guia e alumno durante e dia aki. Un danki grandi ta bay na tur e instancianan of departamentonan di gobierno cu a coopera mesora cu nos manera semper, pa yuda trece tur e informacion nan aki pa nos alumnonan.

Tabata un dia exitoso!

Pa mas potret por mira e FB-page di Commandant Generaal Abraham de Veerschool: C.G. Abraham de Veerschool Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.