fbpx
December 06, 2022

FADA ta prepara pa Siman di Bisti na Locura

Share on Facebook
Share on Whatsapp
0
0
FADA ta prepara pa Siman di Bisti na Locura
FADA ta prepara pa Siman di Bisti na Locura


E aña aki un biaha mas FADA lo tin su famoso siman di bisti Cinta Cora. FADA pa mas di 25 aña caba ta forma di Siman di Cinta Cora, unda cu esaki a cuminsa hopi pasa door di e famianan di D.E.A. cu tabata bezig ta investiga tur loke ta droga, traficacion, tabaco y traficacion ilegal.

Pero lamentablemente despues di cuater aña di tabata traha undercover, nan a gara e persona aki y unda cu nan a likid’e. Ruliënne Arends, Trahado Preventivo na Fada a bisa cu famia di D.E.A. tabata kier a bin c’un forma di record’e pa tur e esfuerso cu el a haci den e parti di adiccion, su lucha y eynan ta unda cu su famia y amistadnan a cuminsa usa loke ta e cinta cora. Tur aña esaki a crece bira mas grandi. FADA naturalmente a cuminsa join e evento aki y esaki ya caba pa 25 aña nan ta join diferente team rond di mundo, nan tambe tin nan cinta cora.

En conexion cu esaki, pa di dies aña FADA ta bay tin nan famoso Siman di Bisti na Locura. Mescos cu tur aña, esunnan cu ta tras di loke ta siman di cinta cora ta scoge un lema. Con ta scoge e lema? Diferente scol ta participa y nan ta saca un lema ganado. E aña aki e tema ta ‘Celebrate Life, Live Drugsfree’. Esaki a cay den bon tera pa FADA ya cu pa di dies aña nan ta celebrando e Siman di Bisti na Locura.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.