fbpx
December 08, 2022

Tres morto den accidente na San Nicolas

Share on Facebook
Share on Whatsapp
0
0
Tres morto den accidente na San Nicolas
Tres morto den accidente na San Nicolas


Diadomingo pa mas o menos 10:40 am a sosode un accidente frontal rib’e caminda di San Nicolas direccion pa Lago Colony.

A topa ey cu un marca Nissan modelo Skyline color preto numera A-72972 a dal den un Chevrolet color cora. Un total di tres ambulance a presenta na e sitio pa atende cu e heridonan.

Cuerpo di Bombero tambe a presenta na e sitio pa rescata e pasaheronan pega den auto. Cu urgencia un ambulance a sali cu e chauffeur di e Skyline y e otro dos ambulance a sali cada un cu un mucha aden.

Accidente fatal na Sero Colorado, San Nicolas.

Posted by 24ora on Sunday, October 2, 2022

Vocero di Cuerpo Policial, Lito Lacle, a informa cu en berdad net poco prome cu 11:00 am central di polis ta ricibi un melding di un accident fatal net poco prome cu e bocht na Sero Colorado. Di inmediato, un patruya a yega na sitio y a informa cu posiblemente tin tres persona cu no ta duna señal di bida. Ta trata di dos persona mayor di edad y un baby.

Tres morto den accidente na San Nicolas

Posted by 24ora on Sunday, October 2, 2022

Pa 11:20 dokter de Cuba a constata morto di tres persona. Lacle, a informa tambe cu un di e personanan cu a bay hospital ta den estado hopi critico. Mama di un di e muchanan a yega na sitio y tabata inconsolabel.

Departamento Tecnico di Cuerpo Policial tabata na sitio pa haci tur midi rib’e caminda cu e accidente a sosode. Na sitio a test e chauffeur di e Skyline pa descarta of confirma cu el a stuur bou di un of otro substancia. Lito Lacle a informa na nos cu e test pa alcohol a sali positivo.

Polis forensico y polis di trafico lo defini kico exactamente a sosode. Prome informacion ta cu e fayecidonan ta ruman y ta naci na 1986, 1987 y e mucha lo tin alrededor di tres aña.

E accidente tragico aki ta pone cu Aruba ta conta cu 9 morto den trafico p’e aña ‘ki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.