fbpx
November 29, 2022

Beach Tennis Open Aruba 2022 ta bek y cla pa cuminsa

Share on Facebook
Share on Whatsapp
0
0
Beach Tennis Open Aruba 2020 ta bek y cla pa cuminsa
Beach Tennis Open Aruba 2020 ta bek y cla pa cuminsa


Diabierna atardi a tuma luga un conferencia di prensa pa comparti detaye di e Aruba Beach Tennis Open 2022 cu ta cla pa cuminsa. Promotor hunto cu otro stakeholder a hiba palabra resaltando e animo y expectativa halto pa regreso di e evento aki despues di tres aña di ausencia.

E prome pa hiba palabra Sjoerd de Vries, promotor di Beach Tennis Aruba. “Nos ta super emociona. Despues di tres aña nos ta bek cu un di e eventonan di deporte mas grandi na Aruba pa cual nos ta orgulloso,” a expresa. “Nos ta e Wimbledon di Beach Tennis, e evento di mas importante di Beach Tennis. Tur hungado di mundo ta bin Aruba pa hunga Beach Tennis cu nos.”

De Vries a splica cu tin 1.200 participante di 40 pais registra pa participa. E ta hopi emociona di ta bek na Bushiri Beach, pa cual a duna danki na DOW, DIP y Ministerio di Deporte. E tereno na Bushiri ta bek manera mester, no solamente pa Beach Tennis, pero pa otro evento tambe. Otro siman e hungadonan mas grandi di mundo ta competi pa 60 mil dollar na premio.

Finalmente de Vries a extende un invitacion na publico: “Bin goza di nos evento otro siman. E ta un evento habri. No ta cobra nada. E ta un evento familiar, comunitario. Tin entretenimento henter dia cu DJ, musica en bibo. E combinacion perfecto di deporte y entretenimento.”
Beach Tennis Open 2022 ta cuminsa diadomingo awo dia 13 cu un Tie Break Up na Central Court.

Tin Honeypot live y dialuna e torneo mes ta cuminsa. Otro siman e big finals riba diasabra y diadomingo caminda cada anochi bo ta haya e stadion aki yen di hende. “Si nunca bo a wak beach tennis, no ta nada, bin conoce,” e promotor a bisa.

Pa mas detaye lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.