fbpx
December 03, 2022

Parlamentario Molina pendiente pa ehecucion di su mocionnan

Share on Facebook
Share on Whatsapp
0
0
Parlamentario Molina pendiente pa ehecucion di su mocionnan
Parlamentario Molina pendiente pa ehecucion di su mocionnan


Parlamentario Molina di fraccion MEP a atende e siman aki e cinco sesion corespondiente na e reunion publico yama pa tratamento di presupuesto 2023 di Pais Aruba. Su enfoke pa cu esaki ta mas riba maneho y door di esey ta trece mas tanto mocion posibel. Asina a indica splicando cu entrega un mocion ta un cos y cu ta ehecut’e ta otro. Aña pasa el a entrega riba 10 mocion riba varios topico y awo e ta wak ki paso gobierno a tuma of ta bay tuma pa concretisa nan. 

Molina ta bisa cu sigur pariba di brug, como parti di Aruba, merece di haya un desaroyo. E ta algo cu ta cumbini tur na Aruba pa San Nicolas desaroya su mes riba varios tereno. Pa cu economia tin hopi oportunidad ya cu San Nicolas ta un area geografico cu por desaroya den varios aspecto. “Anto esey ta loke hopi biaha mi ta enfoca riba dje den mi mocionnan. E departamentonan di gobierno tin cu cuminsa funciona optimal.”

Un  ehempel cu e parlamentario ta duna di esaki ta Departamento di Infrastructura y Planificacion (DIP) cu ta encarga pa otorga tereno, no solamente na hende cu kier construi un cas, pero tambe pa comerciante. E  negoshi por ta riba tereno di horeca, agricultura, deporte, etc. Sinembargo, e parlamentario a bisa di a tuma nota cu durante e ultimo añanan e procesonan na DIP ta tranca. Hende no ta haya e servicio cu nan merece y ta keda den incertidumbre.

Adicionalmente a menciona cu si e procesonan no ta cana bon, esey ta habri espacio pa corupcion pa drenta e organisacion pasobra hendenan no tin un caminda transparente, honesto cu nan por compronde pa cana pa nan por logra nan meta. E ora ey ta busca otro manera y esey ta crea oportunidad pa esunnan cu tin mal intencion.

Pa e relato completo, lesa TREMPAN

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.