fbpx
November 29, 2022

Final feliz pa mascota Pablito Ling cu tabata perdi

Share on Facebook
Share on Whatsapp
0
0
Final feliz pa mascota Pablito Ling cu tabata perdi
Final feliz pa mascota Pablito Ling cu tabata perdi


Diasabra atardi famia Ling a keda contento cu porfin nan a topa nan mascota stima. Un porco cu desde chikito a bira nan mascota. Awe e mascota Pablito Ling ta un porco grandi cu keto bay ta hopi stima pa famia Ling. Riba 24ora a pone e publicacion cu e ta perdi. Desde diaranson nan ta buscando su paradero.

El a sali for di nan propiedad na e cunucu. Nan no a stop cu e buskeda. Finalmente diasabra a logra haya e tip valioso danki na e publicacion di 24ora. A topa mascota Pablito den un mondi drumi. E no por a sali debi cu e tabata rondona di cadushi cu tuna. Finalmente basa riba e yamada a logra yega na Pablito.

Cu machete den man a logra habri e caminda. A logra tambe pa yud’e lanta. Pablito awendia ta un porco hopi pisa. Asina cu el a lanta a pone su acesorio pa move cu ne y bay cu ne bek na e cunucu cu ta su hogar. Famia Ling ta gradici tur hende cu a yuda cu e buskeda y e yamada cu a haci nan tur feliz diasabra atardi. Ya e famia e dicidi cu ta bay pone un chip riba nan mascota Pablito Ling pa asina evita cu e por perde asina largo den futuro.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.