fbpx
December 02, 2022

Richie Danies den confrontacion cu polis

Share on Facebook
Share on Whatsapp
0
0
Richie Danies den confrontacion cu polis
Richie Danies den confrontacion cu polis


Diasabra marduga polis despues di basta tempo ta hay’e ocupa un biaha mas cu e conocido Richie Danies. E tabata na diferente hotel ta busca camber pero segun informacion ricibi, e no tin e fondo pa cubri e gasto. El a bay prome na un hotel cerca di aeropuerto, ey polis a presenta pero na nan yegada ya  Danies a bandona caba.

Djey el a bay na e dos hotelnan den Playa. Na final polis a logra top’e den porta di un hotel ta haci fastioso. E hotel no kier mir’e y kier p’e bandona nan tereno. Danies no tabata sigui nan ordo pa cual polis a haya nan mes ta intermedia. El a cuminsa haci mofa di e polisnan ora a dun’e ordo pa bandona sitio y bay cas. E ta cu su pareha y un baby den auto.

Richie Danies den confrontacion cu polis

Richie Danies den confrontacion cu polis

Posted by 24ora on Friday, November 11, 2022

E polisnan no a actua mirando cu e ta cu un baby riba caya den oranan laat di marduga. A splic’e y dun’e varios chens p’e bay cas cu e baby. Danies comosifuera poco a keda reta e polisnan. E no a logra su meta. Segun e polisnan,  e ta busca atencion dilanti prensa. Despues di atende fuertemente cu ne, e polisnan a bandona sitio. Danies tambe a bandona algun rato despues.  

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.