fbpx
December 07, 2022

Movecion na aeropuerto den marduga: Avion rumbo pa Aruba a encontra problema y desvia pa Jamaica

Share on Facebook
Share on Whatsapp
0
0
Movecion na aeropuerto den marduga: Avion rumbo pa Aruba a encontra problema y desvia pa Jamaica
Movecion na aeropuerto den marduga: Avion rumbo pa Aruba a encontra problema y desvia pa Jamaica


Diasabra laat tabata tin basta movecion na aeropuerto, en bista cu tabata tin un vuelo di United Airlines cu a contra cu retraso. Esaki tabata debi cu nan vuelo, procedente di Newark, cu a hay’e confronta cu problema pa cual mester a desvia pa Jamaica. Ta trata di un avion Boeing 737-924, cu ta carga un total di 178 pasahero.

Despues di a warda pa hopi ora largo na Jamaica, unda cu a cambia avion pa despues sigui pa Aruba. E avion a sali pa Aruba y a aterisa di 2:00am, caminda cu a activa un operacion completo: taxi, Aduana, Migracion, personal di tour, ground handler etc.

Pero na nan salida e turistanan, despues di un vuelo largo, a haya nan confronta cu pafo, no tabata tin niun taxista pa asina nan por a yega nan destinacion.

Tabata tin algun persona cu a duna e turistanan aki un man, pa asina nan no sigui warda mas y por bay descansa na nan hotel. Algun taxista cu tabata ainda tabata trahando, a haci nan best pa cumpli cu e turistanan, door di hiba nan pa nan hotel y despues bin busca e otro nan pa asina cumpli cu nos bishitantenan.

Sigur un situacion inusual na Aruba, unda cu tabata tin yen di turista, pero cu tabata tin un scarsedad di taxi. Un situacion cu ta rekeri di e atencion di tur e stakeholdernan envolvi. 

Turista den rij ta warda: Scarsedad di taxi pa vuelo cu a yega Aruba marduga

Posted by 24ora on Saturday, November 12, 2022

Movecion na aeropuerto den marduga: Avion rumbo pa Aruba a encontra problema y desvia pa Jamaica

Posted by 24ora on Saturday, November 12, 2022

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.