fbpx
December 02, 2022

Shailiny Tromp-Lee (MEP): Caso Avestruz ta resultado di e scol di corupcion di Partido AVP

Share on Facebook
Share on Whatsapp
0
0
Shailiny Tromp-Lee (MEP): Caso Avestruz ta resultado di e scol di corupcion di Partido AVP
Shailiny Tromp-Lee (MEP): Caso Avestruz ta resultado di e scol di corupcion di Partido AVP


Trabou y logronan grandi cu ta kedando presenta durante tratamento di presupuesto di pais Aruba pa 2023, lastimamente ta keda tapa of mancha pa e caso Avestruz. Un biaha mas un politico di AVP ta trece un nubia scur riba parlamento, riba gobierno, riba nos pais y nos hendenan, asina miembro di Fraccion di MEP den Parlamento, a duna di conoce. 

“E casonan aki no ta yuda nada den e recuperacion di confiansa di pueblo cu nos tur como politico ta traha of lo mester traha riba dje”. Pasobra e tristo realidad ta cu eyfo hopi ta pensa y bisa cu tur politico ta corupto y esey pa mi ta inaceptabel! Pasobra esey sigur no ta e caso. “Mi mester bisa cu mas y mas mi scucha y lesa di e caso Avestruz mi no por conclui otro cu e situacion cu ta keda presenta, cu echos y prueba, ta uno hopi grave y di condena. Tin algun cos cu pa basta tempo ta conoci, pero ayera ora bo ta scucha tur cos, un tras di otro, bo ta keda asombra con tin hende ainda por cana cabes na laira y sin ningun tipo di berguensa”.

Un cos cu pueblo mester puntra su mes ta, unda Mike Eman ta para awe? Unda su partido AVP ta para awe? Pasobra un cos ta sigur, ta imposibel cu e lider di AVP no tabata sa kico tur tabata pasando bou di su nanishi. Y si nos dune mes e beneficio di duda, pueblo no por lubida e echo cu ora el a keda informa di nan, el a scoge pa brasa y sostene corupcion, el a dicidi pa toch pone Sevinger riba su lista y urgi pueblo pa vota pe. El a bisa hasta cu e mes lo a vota pe. Otro pregunta ta unda Mike Eman tabata ayera? Den sala di Parlamento haciendo su trabou e no tabata! E tabata den sala di corte sosteniendo Benny? Ayera nos no a tende nada di su sosten, unda esaki a keda? Pueblo mester realisa cu tur loke Mike Eman a haci durante eleccion y campaña tabata pa beneficio propio y di su partido.

Caso Avestruz sigur ta muestra di un otro resultado di e tremendo scol di corupcion di Partido AVP y Mike Eman. Ta fiesta tabatin cu permiso, ontheffing, tereno, opties y tambe na companianan estatal. Mas cu claro nos no por lubida e fiestanan propio di Mike Eman mes, su b-day celebration riba brug di hisa calidad di bida, su conferencianan berde cu te dia di awe no a duna ningun resultado of crea beneficio pa nos pais pero si a costa un dineral, sigur nos no por lubida su egotripping caminda hasta a laga paga pa su cara sali den un revista internacional y asina nos por sigui menciona. Pero un cos si mi ta convenci di dje, Mike Eman te ainda cu orguyo a y ta encabesa tur esaki y su partido y a percura pa crea e MEGA debe pa nos tur paga.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.