fbpx
December 02, 2022

A intercambia conocemento y idea valioso pa aviacion sostenibel

Share on Facebook
Share on Whatsapp
0
0
A intercambia conocemento y idea valioso pa aviacion sostenibel
A intercambia conocemento y idea valioso pa aviacion sostenibel


Despues di un evento comunitario realisa dia 11 di november 2022 na e Southside General Aviation Hangar, e Dutch Caribbean Cooperation of Airports (DCCA), un cooperacion entre e seis aeropuertonan dentro di Reino Hulandes, por mira atras na un evento “A Flight To The Future” cu a resulta di ta sumamente exitoso. E discurso principal, e orador-, presentacion-, panelnan di discusion y e masterclass presenta
durante e evento, a demostra di ta di gran balor pa e esfuersonan continuo di tur e aeropuertonan envolvi pa tin e curashi den desaroya, busca solucion y tecnologia di transporte aereo sostenibel di apoyo pa un di e metanan principal: mehora e conectividad interinsular di un manera sostenibel.

“E conocemento- y ideanan adkiri durante e evento aki lo fortalece e esfuersonan di nos como Dutch Caribbean Cooperation of Airports pa ta lider innovado den vuelo electrico den region Caribe y asina haci e conexionnan aereo entre e islanan mas sostenibel, eficiente y accesibel p’e comunidad den Caribe Hulandes. Esaki, na mes momento, lo mehora e sociedad di e islanan door di tin na cuenta e meta di desaroyo sostenibel pa un y tur”, tabata palabra di Joost Meijs, kende ta Presidente di DCCA y alabes CEO di Aruba Airport Authority N.V..

Un cantidad di 311 participante a asisti na e evento durante e siman, mientras cu virtualmente tambe a conta cu interes di 888 participante. Hopi hende a presencia e Pipistrel Velis Electro y a siña mas tocante su capacidad- y tecnologianan. Un di e logronan di mas grandi durante e evento ta e firmamento historico di e MOU entre Aruba, St. Maarten, Corsou, Hulanda, seis aeropuerto di Caribe Hulandes y e Dutch Association of Airports (NVL).

Den e MOU aki, tur cu a firma, a expresa nan compromiso di mehora e conectividad entre e islanan door di haci nan mas accesibel, eficiente y sostenibel. Como resultado di e MOU, e partidonan lo forma un directiva hunto y un grupo di trabou cu lo ta encarga pa formula un Joint Business Plan cu lo describi con lo por logra e ambicion aki y cua obstaculo ta necesario pa elimina. Lo entrega e Joint Business Plan aki denter di shete luna despues di a firma e MOU.

Presidente di DCCA, Joost Meijs, a gradici tur colaborado, participante y tur e personal di apoyo cu a haci e evento aki posibel y un exito. Tambe tin pa gradici na tur orador, panelista, moderador, stakeholders y finalmente na tur boluntario cu a participa den e realisacion di evento cu a resulta di ta un exito. Pa mas informacion tocante e conferencia por bishita e website di DCCA www.dccaairports.com.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.