fbpx
November 28, 2022

Comunidad ta sacrifica pa paga: Sindicato ALVAST den ELMAR kier mas placa

Share on Facebook
Share on Whatsapp
0
0
Comunidad ta sacrifica pa paga: Sindicato ALVAST den ELMAR kier mas placa
Comunidad ta sacrifica pa paga: Sindicato ALVAST den ELMAR kier mas placa


Negoshamento pa un contracto colectivo di trabou (CAO) nobo ta andando na N.V. ELMAR ya pa tres luna caba. Tin dos sindicato, esta STA y UEA, cu ta representa esunnan cu tin contracto colectivo, cu ta alrededor di 120 trahado. Pero tambe tin un grupo mas chikito, di entre 14 pa 16 empleado, cu tin contracto individual cu ta representa pa sindicato ALVAST. Nan no tin representacion di e mayoria den N.V. ELMAR pero awor ta insisti pa haya mas placa. Ta ora pa pueblo haya transparencia total den e companianan estatal aki, esta tanto di ELMAR como WEB.

Durante di e ultimo dos decada, N.V. ELMAR a crece completamente troci. Segun nos fuentenan, e situacion aki ta duna hopi dolor di cabes. Salario di empleadonan di awendia ta diferencia masha hopi di esunnan cu tin contracto bieu. Ta hustamente e empleadonan cu contrato nobo ta cargando e compania mientras gran parti di esunnan cu contracto bieu ta haci mal uzo di nan poder. Nan kier sigui chica e compania y no ta produci manera mester ta na trabao.

Por ehempel, e sindicalista Raymond Maduro di ALVAST ta keda insisti pa haya mas placa pa su miembronan, mientras ta boycotia e compania. Gerencia ta haci tur intento pa mehora servicio na clientenan y pa mehora e ambiente y productividad di trabao, pero di otro banda Maduro y su grupo ALVAST ta purba boycotia trabao y ta pidi mas placa tambe riba dje. Ta aki comunidad di Aruba mester haya claridad riba e situacion actual.

Raymond Maduro di Sindicato ALVAST ta bogando pa mas placa pa trahadonan cu un contract individual den N.V. ELMAR. Gerencia ta insisti cu awor no ta momento pa aumenta gasto di personal memey di e subimento di tarifa di coriente.

Parlamento, ATIA y otro sindicatonan, KVK mester lanta for di soño. Aki ta trata di un compania di pueblo di Aruba y no di ningun sindicalista cu no ta realistico ta kico ta husticia salarial. Mientras pueblo ta sacrificando duro pa paga recibonan astronomico di coriente, kier sigui e fiesta di salarionan exagera. Hopi trahado den sector priva ainda no ta ni trahando 8 ora pa dia pa nan gana loke nan tabata gana.

Ta ora pa Gobierno y instancianan importante di nos comunidad pidi transparencia total den N.V. ELMAR y otro companianan estatal.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.