fbpx
November 28, 2022

MEP na AVP: Ocho aña no a “give a damn” riba deficit

Share on Facebook
Share on Whatsapp
0
0
MEP na AVP: Ocho aña no a “give a damn” riba deficit
MEP na AVP: Ocho aña no a “give a damn” riba deficit


Durante su presentacion dialuna mainta, minister di finanzas a tuma oportunidad pa dirigi un atake amplio riba e lider di fraccion di AVP, Mike Eman como reaccion na un declaracion cu e politico a haci indicando cu gobierno tin surplus y pueblo tin deficit. Minister Xiomara Maduro a repasa argumentonan manera con Eman a redobla debe di Aruba, no lo por a maneha e pandemia mes bon cu MEP a hacie y cu ta sostene crimen organisa door di a apoya su colega Parlamentario Sevinger, involucra den caso Avestruz.

Segun Maduro, Mike Eman tin e pudor di bay bagatelisa un logro cu ta un presupuesto cu, despues di 15 aña, ta entrega na ora, contrario na tempo cu Eman tabata na mando. El a recorda con a entrega presupuesto 2014 pa 2’or di marduga. Esey, segun e titular di finanzas, ta un muestra di e falta di seriedad, ademas cu e tabata yena di post promemorie. “Ta esey ta e presupuesto cu a bira supervision financiero na 2015, esey ta e manera di goberna cu tabatin paso na momento cu bo ta bin trece presupuesto 2’or di marduga, ta ladron ta cana den e ora n’ey,” Maduro a expresa.

Riba esey, e mandatario a amplia cu basa riba e rapport di Banco Central di 2010, presidente di Banco Central a bisa: “Señor Eman, gobierno di Aruba ta trahando debe y deficit nunca antes bisto” y a splic’e pakico no mester traha debe asina, sinembargo Eman no a worry. “El a haci mescos cu Benny paso Benny ta su consehero. E no a give a damn. B’a compronde? E no a give a damn. Anto awo paso cu e no a give a damn, awe nos ta cu un debe redobla, anto nos ta na rudia,” e titular di finanzas a bisa den sala di parlamento.

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.