fbpx
November 29, 2022

Atleta femenino a demostra nan forsa durante Campeonato Nacional di hisamento di peso

Share on Facebook
Share on Whatsapp
0
0
Atleta femenino a demostra nan forsa durante Campeonato Nacional di hisamento di peso
Atleta femenino a demostra nan forsa durante Campeonato Nacional di hisamento di peso


Diadomingo ultimo Aruba Amateur Weightlifting Association (AAWA) a organisa nan campeonato nacional di hisamento di peso cu a tuma luga den Compleho Deportivo Frans Figaroa na Noord. Esaki tabata en conexion cu celebracion di ASU Olimpiada.

Na e campeonato nacional aki tabata tin participacion di atleta di TNT Gym, Paradise Strength Aruba, E2Rep y Body Fitness Gym & Nutrition Tur e cuatro clubnan tabatin atleta masculino y femenino. Den un bon ambiente, bon motiva y anima e atletanan a start e competencia pa 11:00 di mainta cu e atletanan femenino sigui pa masculino.

Resultado den categoria di femenino
Den categoria di 55kg na prome luga a bay pa Cythlynne Lanoy di TNT Gym cu a snatch 55kg, clean & jerk 68kg pa un total 123kg, segundo luga a bay Nayeli Besaril di E2Rep cu un total di 88kg y tercer luga a bay pa Hanny Miranda di TNT Gym cu un total di 71kg.

Den categoria 59kg nos ta haya Jenelee Camara di E2Rep cu a logra pone un total di 85kg ta termina na di prome luga.

Den categoria di 64kg Eliana Gonzalez di BFN a gana prome luga cu un total di 154kg sigui na di segundo luga pa Andrea Galindo di TNT Gym cu total di 125kg, tercer luga Chantal Mousalli di TNT Gym cu un total di 107kg, cuatro luga a bay pa Nalia Figaroa di E2Rep cu un total di 105kg y cinco luga a bay pa Jeanelly Everon di BFN cu total di 90kg. Nos por bisa cu e atleta Chantal tin apenas 13 aña y a competi bon.

Nicky Garcia di E2Rep den categoria di 71kg a logra sali na prome luga, segundo luga a bay pa Corina Boekhoudt di PSA cu un total di 83kg y tercer luga a bay pa Angelli Thode di TNT Gym cu 82kg.

Nataly Geerman den categoria di 76kg di TNT Gym a pone un total di 195kg y logra prome luga. Madeline Martinus di TNT Gym su so den categoria di 87kg a logra un prome luga cu un total di126kg. Den categoria di +87 e atleta Ahley Alberts di BFN a pone un total di108kg y termina na di prome luga.

Ganadora di trofeo
Na final di e competencia a saca e ganadonan di e competencia den ramo femenino. Trofeo den categoria di Youth Sub-15 ganadora absoluto a resulta Cythlinne Lanoy y trofeo pa segundo luga a bay pa Chantal Mousalli.

Ganadora absoluto den Youth Sub-17 trofeo a bay pa Angellie Thode na di prome luga y trofeo na di segundo luga a bay pa Hanny Miranda. Den categoria di Junior Sub-20 ganado absoluto tabata Nayeli Besaril.
Den categoria di Senior Nataly Geerman a sali como ganadora absoluto y a gana e trofeo na di prome luga. Trofeo pa segundo luga a bay pa Nicky Garcia y trofeo na di tercer luga bay pa Andrea Galindo.
Por ultimo den categoria di Master 30 plus ganadora absoluto tabata Eliana Gonzalez, Jeanelly Everon a termina na di dos luga y trofeo pa di tercer luga a bay pa Corina Boekhoudt.

Na e campeonato nacional tabata presente Minister di Enseñansa y Deporte, Endy Croes, cu a duna un speech elocuente na e atletanan y a desea nan tur clase di exito den nan competencia. Representante di Comision Tecnico di Comite Olimpico Arubano, Monica Fajardo y Edmudo Josiah, tambe tabata presente. Nan bin pa motiva y papia cu algun atleta cu ta forma parti di preselecion di COA. 

Aruba Amateur Weightlifting Association kier a manda palabra di gradicimento na Stichting Sportsunsidie Aruba, Lotto pa Deporte y Aruba Sport Unie cu a sponser e Campeonato Nacional aki y manda pabien na tur e atletanan cu a logra kibra nan record personal y esunnan cu a participa pa prome biaha. Tambe ta gradici e clubnan cu a participa cu ta E2Rep, Paradise Strength Aruba y TNT Gym y Body Fitness Gym & Nutrition pa nan participacion, coach, referee y tambe tur e boluntarionan cu a yuda haci e Campeonato Nacional 2022 di hisamento di peso aki uno exitoso.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.