fbpx
December 06, 2022

Minister Ursell Arends: Duna naturalesa espacio p’e recupera y prospera

Share on Facebook
Share on Whatsapp
0
0
Minister Ursell Arends: Duna naturalesa espacio p’e recupera y prospera
Minister Ursell Arends: Duna naturalesa espacio p’e recupera y prospera


Dialuna mainta e team di Minister Arends a bishita diferente saliña aki na Aruba. Ultimo dianan Aruba a wordo bendiciona cu hopi awasero cu a haci cu hopi di e saliñanan awo ta yen di awa. Sigur algo bunita pa observa paso awo cu tin awa, tin diferente parhanan ta pasa via Aruba bay Zuid of Noord y ta uza nos saliñanan como un “tussenstop” pa asina continua pa nan destinacion.

Aruba ta conta cu un total di cinco saliña cu diferente parha cu ta bin temporalmente aki na Aruba ta uza. Esakinan ta Saliña Druif, Saliña Malmok, Saliña Serca, Saliña Palm Beach y Saliña Bubali.

Minister Arends hunto cu su team a cuminsa e recorido prome na Saliña Druif cu ta situa den Tierra del Sol. Un luga impresionante unda cu por nota con e biodiversidad ta prevaleciendo despues di hopi yobida pero tambe awo cu FPNA a pone e valve bek pa e awa di RZWI Bubali yega e saliña aki bek.

“Mi ta contento di por mira con e biodiversidad ta floreciendo bek,” Minister Arends a cuminsa ta bisa, “Tres siman pasa FPNA a cuminsa manda e awa bek y hunto cu yobidanan cu Aruba a haya den e ultimo dianan ya caba por wak e impacto cu esaki tin aki na Saliña Druif.”

Minister Arends a enfatisa cu netamente pa esaki e ta para pa nos naturalesa pa asina por brinda naturalesa e espacio pa recupera y prospera. Alabes a menciona cu tin e trabounan importante andando hunto cu FPNA pa nos saliñanan y tambe pa nos naturalesa en general.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.