fbpx
December 07, 2022

Parlamentario drs. Mervin Wyatt-Ras (AVP): Presupuesto ta hancho pa gobierno y smal pa pueblo

Share on Facebook
Share on Whatsapp
0
-1
Parlamentario drs. Mervin Wyatt-Ras (AVP): Presupuesto ta hancho pa gobierno y smal pa pueblo
Parlamentario drs. Mervin Wyatt-Ras (AVP): Presupuesto ta hancho pa gobierno y smal pa pueblo


Diamars merdia parlamentario di fraccion AVP, drs. Mervin Wyatt-Ras a comparti su ponencianan pa cu tratamento di presupuesto supletorio 2022 indicando cu Gabinete Wever-Croes ta gaba di a baha e presupuesto, sinembargo no ta bisa cu esey a bay na custia di pueblo. E reduccion ta bin door di, entre otro, e positieve lijst di remedi y recorte haci na cas di anciano. E tendencia aki di no tene cuenta cu e cartera y calidad di bida di e ciudadano ta continua den 2023, segun Wyatt-Ras, pa medio di aumenta BBO, pone un BBO adicional na frontera pa trece 15 miyon adicional den caha di gobierno.

E parlamentario a menciona tambe e cobro di un tarifa di 15 dollar pa pasahero bou e argumento cu ta destina na un fondo di innovacion, sinembargo 65% ta bay den caha di gobierno pa financia e producto y servicio (goederen en diensten), kier men e friends and family di gobierno.

Wyatt-Ras: “Esaki no ta un presupuesto cu ta refleha realidad, p’esey tambe nos tabata contra. Nos no a participa na e reunion di presupuesto di 2023, pero awe nos t’ey y nos a haci varios pregunta den e sentido di con bo ta bay haci aworaki? Bo ta baha tur esakinan awo con bo ta kom tegemoed na pueblo? Of ta bay kita e positieve lijst cu bo a introduci? Bo ta bay keda sin introduci e eigen bijdrage? Bo ta bin tambe cu otro incentivo pa nos pueblo? Bo ta baha prijs di awa y coriente, prijs di gas, tur otro bo ta bisa medidanan cu tin? Esey ta locual cu nos ta puntra.”

Pa un relato mas amplio, lesa TREMPAN.

Share on Facebook
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.